Padmakishore's Vaiyam

தொட்டியில் வெள்ளிக்கிழங்கு

2011-07-03T11:46:00.007+05:30

கடந்த ஆண்டு கடையில் வாங்கிய சர்க்கரை வெள்ளிக்கிழங்கில் ஒன்று மிகச்சிறியதாக இருந்தது, அதல் முளைபோன்ற ஒன்று தென்பட்டது. ஏற்கனவே சில முறை சேப்பங்கிழங்கை தொட்டியில் நட்டு விளைவித்திருந்ததால் , வெள்ளிக்கிழங்கை நட்டால் என்ன என்று ஒரு தொட்டியில் பதித்தேன், சில மாதங்களுக்கு பிறகு தோண்டிய போது ஒரு சிறிய தேங்காய் அளவுக்கு வளர்ந்திருந்தது.

கிழங்கை பிரித்தபின் மேலிருக்கும் இலைகளை மீண்டும் தொட்டியில் நட்டேன். சுமார் ஆறு மாதங்களுக்கு பிறகு எடுத்து பார்த்தபோது, தொட்டி முழுமைமும் கிழங்குகளாக இருந்தது. அறுவடை செய்து சாப்பிட்டாகி விட்டது, அபார ருசி.

நானிருப்பது மூன்றாவது மாடியில் என்றாலும், எதிரே மாடியிருக்கும் பெண்ட்ஹவுஸ் போன்ற அபார்ட்மெண்ட் என்பதால், சிறிய அளவிலான தோட்டம் வைத்துள்ளேன். இதுவரை பூக்கள், கத்திரி வெண்டை, கீரை தவிர, சேப்பங்கிழங்கு, கரும்பு, கேழ்வரகு, பிரண்டை, மஞ்சள் ஆகியவைகளை விளைவித்துள்ளேன்.

மெட்ரோவா மோனோவா?

2011-06-05T11:01:00.006+05:30

மெட்ரோவா மோனோவா என்றால் நான் சந்தேகத்திற்கிடமின்றி மோனோ கட்சி. வெகு சீக்கிரம் கட்டுமானம் முடிந்து போக்குவரத்தை துவக்க சிறந்த முறை மோனோரயில். ரயில் பாதைகல்ள் போலல்லாமல் மோனோ ரயில் ட்ராம் போன்ற போக்குவரத்தை சேர்ந்தது என்பதால் மாநில அரசே பல முடிவுகளை எடுக்கலாம். Serendipity யோ என்னவோ , கடந்த வாரம் வால் ஸ்ட்ரீட் ஜர்னலில் வந்த மோனோரயில் பற்றிய கட்டுரை கவனத்தை கவருகிறது.

***

பல கோடிகளைக் கொட்டி இன்னும் நிறைவு பெறாமலிருக்கும் MRTS திட்டத்தை இங்கு நினைவு கூறுவது அவசியம். ஐந்து ஆண்டுகளுக்கு ஐந்து கிலோமீட்டர் என்னும் ரீதியில் நத்தை வேகத்தில் நடந்து வரும் திட்டம் இது. சென்னை நகரில் உள்ள போக்குவரத்து சூழ்நிலைகள், இங்குள்ள பேருந்து கட்டணம், கடைசி மைல் இணைப்புகள் போன்ற தகவல்களை உள்வாங்காமல் தில்லியில் இருந்து ஒரு திட்டத்தை செயல் படுத்தினால் என்னவாகும் என்பதற்கு MRTS ஒரு சாட்சி.

இந்தியில் எடுத்து , தமிழில் டப் செய்து தூர்தர்ஷனில் ஒளிபரப்பப்படும் மத்திய அரசின் த்ராபை விளம்பரங்களைப் போல MRTS காட்சியளிக்கிறது.

***

பெரியவருக்கு பிகில் ஊதப்பட்டதிலிருந்து இந்த நிதி அந்த நிதி என்று எந்த சானலிலும் விளம்பரங்கள் இல்லாததால் பேரன்மாரின் உபத்திரவமின்றி டி வி பார்க்க முடிகிறது.

***

அடையாரின் மெர்சி எலெச்ட்ரானிக்ஸ் எனக்கு பத்து வருடங்களாக பரிச்சயம். அங்கு விற்க்கப்படும் அனைத்துமே டுபாக்கூர் என்று நண்பர்கள் பலர் கூறினாலும் நான் வாங்கிய எந்தப்பொருளும் வீண்போனதில்லை. பெரும்பாலும் டூப்பிளிகேட் சரக்கையே விற்கும் மெர்சிக்கு போட்டியாக மென்சி எலக்ட்ரானிக்ஸ் என்ற பெயரில் வேளச்சேரியில் ஒரு கடை. டூப்பிளிகேட்டுக்கே டூப்பிளிகேட்டா, என்ன கொடுமை சார் இது.

எகிப்து - அடுத்தது என்ன?

2011-01-30T11:10:00.004+05:30

துனிசியாவில் கொளுத்திப்போட்டது இப்பொழுது எகிப்தில் வேட்டு வைகக்கும் அளவுக்கு வந்துள்ளது. ஆடுத்து எகிப்தில் என்னென்ன நடக்கலாம் என்று ஒரு சிறு பார்வை.

1. திக்கித்தடுமாறி முபாரக் ஆட்சியைத் தக்கவைத்துக் கொண்டால் விரக்தி அடைந்த ஒரு சிறு குழு தீவிரவாத கிளர்சியில் ஈடுபடும் வாய்ப்புண்டு. இருக்கும் பிரச்னை போததென்று ஒரு புதிய தலைவலி மத்திய கிழக்கில் ஏற்படும்.

2. ஆட்சி மாற்றம் நிகழ்ந்து எல் பரடேய் போன்ற மிதவாத மேற்கு சார்புடைய லிபரல் அரசு அமையலம்.

3. அல்லது மதவாதிகளிடம் ஆட்சி போகலம். இதையே சக்காக வைத்து இஸ்ரேல் தன் எல்லைகளை பலப்படுத்தும். காசா பகுதியை முற்றிலும் சுற்றி வளைக்கலாம்.

மேற்சொன்ன 2 அல்லது 3 நடந்த்தால் யேமென், லிபியா, அல்ஜீரியா, சிரிய அரசுகள் அடுத்தடுத்து கவிழும்.

இப்பொழுது பீதியைக் கிளப்பும் சில சூழ்நிலைகளை காண்போம்.

1. தற்போது வரை அரசின் கட்டுப்பாட்டில் உள்ள ராணுவத்தில் பிளவு வரலாம். மக்களுடன் சேர்ந்து கொண்டு ஒரு சில தளபதிகள் நாட்டில் சில பகுதிகளை தன் வசப் படுத்தலாம். இதன் காரணமாக குழு மோதல் உருவாகி உள்நாட்டுப் போராக மாறலாம். கெய்ரோ நகரை கூறுபோட்டு மாறி மாறி சண்டை நடக்கும். காபுல் (1990-95) , மோகாடிஷு (1993- இன்றுவரை) போன்று கெய்ரோவும் மாறலாம்.

2. ஸ்திரத்தன்மை அற்ற ஒரு அரசு உருவாகி விரைவிலேயே கவிழ்ந்து உள்நாட்டுப் போர் மூளலாம். அரசியல் கட்சிகள் ஆளுக்கு ஒரு படை திரட்டி நாட்டை வசப் படுத்த கடுமையாக மோதிக் கொள்ளும்.

கைதியின் தயக்கம் – ஆட்டக்கோட்பாடு (Game Theory)

2010-09-21T18:24:00.004+05:30

ஒரே குற்றத்தில் ஈடுபட்ட இரு குற்றவாளிகளை போலிஸ் தனித்தனியே விசாரிக்கின்றது. இரண்டு கைதிகளிடமும் இந்த மூன்று தகவல்களை தருகின்றது.

1. இருவரும் குற்றத்தை ஒப்புக்கொளாமலேயே ஆளுக்கு 2 ஆண்டுகள் தண்டனை அளிக்கிககூடிய அளவுக்கு சந்தர்ப்ப சாட்சியங்கள் உள்ளன.
2. இருவரில் ஒருவர் குற்றத்தை ஒப்புக்கொண்டு மற்றவரை காட்டிக்கொடுக்கும் பட்சதில், காட்டிக்கொடுக்கும் நபருக்கு ஒரு ஆண்டு தண்டனையும் மற்றவருக்கு 4 ஆண்டு தான்டனையும் கிடைக்கும்.
3. இருவருமே ஒருவரை ஒருவர் காட்டிக்கொடுக்கும் பட்சத்தில் நேரடி சாட்சியங்கள் பலமாகி இருவருக்கும் 4 ஆண்டு சிறைவாசம் கிடைக்கும்.

ஒருவரை ஒருவர் பரஸ்பரம் தொடர்பு கொள்ள அனுமதி கிடையாது.
இந்த சூழ்நிலையில் ஒரு கைதி எப்பேர்பட்ட முடிவை எடுப்பார்?
ஒரு கைதி அமைதிகாப்பான் என்று சொல்ல முடியாத சூழ்நிலையில் இன்னொரு கைதியால் அமைதி காக்க இயலாது.

அறிவுப்பூர்வமாக் யோசிக்கும் பொழுது அமைதி காப்பதே நல்லது என்று தோன்றினாலும் , பெரும்பாலான சமயங்களில் பரஸ்பர நம்பிக்கையின்மை காரணமாக இருவருமே பாதிக்கப்படுவது தான் நடக்கும்.

இதுவே ஆட்டக்கோட்பாட்டில் கைதியின் தயக்கம் (Prisoner’s dilemma) என்று சொல்லப்படுகிறது.

இந்த வகையான ஆட்டக்கோட்பாட்டை இந்திய சமூக சூழ்நிலையில் பொருத்தி அதன் மூலம் இந்தியாவின் மோசமான அரசுக்கட்டமைப்பு, விதிகளை மதியாமை, பின் தங்கிய சுகாதாரம், ஒழுங்குமுறையின்மை ஆகியவற்றின் காரணிகளை நிறுவ முயல்கிறார் Games Indians Play நூலின் ஆசிரியர் வி. ரகுநாதன்.

ஒரு சில சோதனைகளின் மூலம் மற்ற வளர்ந்த நாட்டு மக்களை விட இந்தியர்களுக்கு சுயக்கட்டுப்பாடும் , சமூக ப்ரக்ஞையும், குறைவு என்பதை நிரூபித்துள்ளார்.

பொதுவாகவே இந்தியச்சூழலில் வெகுஜன அறிவியல் (Popular Science) புத்தகங்கள் குறைவு, அதுவும் பொருளாதாரம், அரசியல் போன்ற சமூக அறிவியல் துறைகளில் ரொம்பவுமே குறைவு. குறிப்பாக உணர்ச்சிவசப்படாத, கொள்கையை திணிக்காத எழுத்துக்களை விரல் விட்டு எண்ணிவிடலாம்.
இந்த நூல் க்ளிஷேக்களை தவிர்த்து நல்ல முறையில் எழுதப்பட்டுள்ளது. நமக்கு இது தான் தேவை.

சம்பூர்ண ராமாயணம் முதல் சன் டிவி ராமாயணம் வரை

2010-08-29T19:45:00.006+05:30

சம்பூர்ண ராமாயணம் முதல் சன் டிவி ராமாயணம் வரை வெளிவந்த்துள்ள அனைத்து புராணப்படங்களிலும் புராணத்தொடர்களிலும் ஒரு அபத்தக்காட்சி மீண்டும் மீண்டும் வந்து தொலைத்துக் கொண்டிருக்கிறது. அதாவது எதிரெதிர் தரப்பு சண்டையிடும் பொழுது எய்தப்படும் அம்புகள் நேர்கோட்டில் பயணித்து ஒன்றுடன் ஒன்று இம்மி பிசகாமல் மோதும். இதுவரை வந்துள்ளை அனைத்துப்படங்களிலும் அனைத்து அம்புகளும் நேரெதிராக மோதியிருக்கின்றன. முதன் முதலில் யாரோ ஒரு எடிட்டர் செய்த ஒட்டுவேலையை இன்றுவரை கொஞசம் கூட முன்யோசனையில்லாமல் காப்பி அடித்துக்கொண்டிருக்கிறார்கள். யோசிங்கப்பா.

ஒருமுறை பீட்சா ஹட்டில் சாப்பிட்ட கார்லிக் பிரெட்டின் சுவை என் நண்பர் மற்றும் முன்னாள் பாஸ் ரங்காவிற்கு ரொம்பவும் பிடித்துவிட்டது. என்னிடம் சொன்னார். நான் “அது ரொம்ப சிம்பிள் பாஸ், வீட்டிலேயே செஞ்சிடலாம், சாதா ப்ரிடட்டில் ஜிஞ்சர் கார்லிக் பேஸ்டை தடவி, நெய்யில் டோஸ்ட் செஞ்சிடுங்க. போதும்” என்றேன். அடுத்த திங்கட்கிழமை என்னிடம் வந்து “ஒங்க ரெசிபி சூப்பர் தல” என்றார். “அப்படியா பாஸ், நான் குன்சாக அடிச்சி விட்டேன் அதுதான் கார்லிக் பிரெட் ரெசிபியா?” என்று கேட்டேன்.

விப்ரோ ஆக்சென்ச்சர் என்று இரு மலைகளிக்கிடயே குறிச்சியாக புதிய அலுவலகம். நல்ல வசதியாக இருந்த்தாலும் ஒரு சங்கடம். ஆபிஸின் பின் வாசலில் ஒரு டீ+ஸ்னாக்ஸ் கடை, மேற்சொன்ன இரு கம்பெனி தம்மர்களும் சதா சர்வ காலமும் எங்கள் ஏரியாவிற்கு அருகே வந்து ஊதித்தள்ளுகிறார்கள். அந்தப்பக்கம் போனாலே புகை மண்டலத்தில் ஊட்டி/சொர்கத்தில் இருப்பது போல ஒரு ஃபீலிங். பாவம் கடைக்காரர். Bloody smokers.

குருவி காப்போம்

2010-05-20T20:03:00.002+05:30

சமீப காலமாக சிட்டுக்குருவிகள் காணாமல் போனதைப்பற்றி கவலைப்பட்டு நிறைய ஆதங்ககளை படிக்கவும் கேட்கவும் செய்கிறோம். குருவிகள் தவிர பல புள்ளினங்கள் நகர்புறப்பகுதிகளிலிருந்து விடைபெற்றுள்ளன.

நான் வசிக்கும் பெசன்ட் நகரில் இந்த பிரச்னை சற்று குறைவு தான். அன்றாடம் சிட்டுக்கிருவி, இரட்டைவால் குருவி, மைனா, மீன்கொத்தி இவைகளைப் பார்க்கிறேன் நகரின் ஒரு ஓரத்தில் இன்னும் மரங்கள் அடர்ந்து இருப்பதால் அதிக பாதிப்பில்லை போலிருக்கிறது.பறவைகள் இடம்பெயர்வதற்கு காரணம் வாகனப்புகையும் தானியங்கள் கிடைக்காததுமே தான்.

வீட்டுக்கு நான்கு வண்டி வைத்துக்கொள்ளும் அக்கப்போர்களை தவிர்த்து மரங்களை வளர்த்தால் குருவி காக்கலாம்.

******

மணிப்பூர் மக்களுக்கும் நாகாலாந்து மக்களுக்கும் திடீர் பிரச்னை வெடித்து மணிப்பூர் மாநிலம் முடங்கியுள்ளது. இந்தியாவில் மற்ற பகுதி மக்களுக்கு மணிப்புரிக்கும் நாகாவுக்கும் மொழியை வைத்தோ ஆளைவைத்தோ அடையாளம் சொல்லத்தெரியாது. இவ்வாறிருக்க உழக்கில் கிழக்கு மேற்கு பார்ப்பது போல் சண்டையிடுவது அனாவசியம்.

கூடுவாஞ்சேரியை விட சிறிய தலைநகரங்களைக்கொண்ட பகோடா போன்ற அளவேயுள்ள சிறுமாநிலங்களை வடகிழக்கில் அமைத்ததால் வந்த வினை இது. வடகிழக்கில் இருக்கிற பிரச்னை போதாதென்று போடோலேண்ட், கேரோலேண்ட் என்று புதிய மாநில கோரிக்கைகள் வேறு.

******

இந்தியாவில் இயங்கும் பன்னாட்டு வங்கிகளுக்குள் நடக்கும் அக்கப்போர்களை மையமாக வைத்த புதினம் If God was a Banker. இந்த கதைக்களம் இந்தியாவிற்குப் புதிது. நல்ல விறுவிறுப்பான எழுத்து நடை. தடாலடியான வட இந்தியர் நிதானமான ஒருவர் தென் இந்தியர் ஒருவர் என்று இரண்டு வங்கி நிர்வாகிகளை முக்கிய கதைமாந்தர்களாக வைத்து புனையப்பட்டுள்ளது(?) இந்த நாவல். ஆசிரியர் ரவி சுப்ரமணியம். ஆகவே முக்கியப்பாத்திரம் யார் என்று யூகிக்க அதிக நேரம் எடுக்காது.

தனியார் , பன்னாட்டு வங்கிகளின் செயல்பாடுகளைப்பற்றி கேள்விப்பட்டது எல்லாம் இந்த நாவலால் உறுதி செய்யப்பட்டுள்ளது. ஆனாலும் பாத்திரங்கள் ஒரு மாதிரி ஸ்டீரியோ டைப்டாக உள்ளது . வடக்கதியர்களை எதற்கு அஞ்சாத அயோக்கிய ராஸ்கல்களாகவும் தெற்கத்தியவர்களை நேர்மை சிகாமணிகளாகவும் சித்தரித்ததை தவிர்த்திருக்கலாம்.

இருந்தாலும் சில வட இந்திய எழுத்தாணிகள் நம்மவர்களை அநியாயத்திற்கு வாறுவதைப்பார்க்கையில் இதெல்லாம் ஒன்றுமேயில்லை

TV துளிகள்

2010-04-15T20:03:00.003+05:30

SS Music இல் கடும் காம்பியர் பஞ்சம். கிட்டத்தட்ட எல்லா நிகழ்சிகளிலும் பலோமா ஒண்டி ஆளாக ஊடு கட்டுகிறார். அவ்வபோது பூஜா தலைகாட்டுகிறார். பலோமா கேமரா கோணத்தை கூட மாறாமல் விதவிதமாக உடை(!)களை மட்டும் மாற்றி நிகழ்சிகளை வழங்குகிறார். கேமராமேன் கூட படப்பிடிப்பு ஆரம்பித்ததும் கேமராவை நிலைபெறச்செய்து விட்டு "பாப்பா நீயே ஷோ முடிஞ்சதும்கேமராவை ஆஃப் பண்ணிடு" என்று வீட்டுக்கு கிளம்பிவிடுவார் போலிருக்கிறது.

-----

NDTV HINDU வில் கேமரா பஞ்சம். ஸ்டுடியோவில் யாரையாவது வைத்து பேட்டி எடுக்கும் போது கேமரா உரையாடும் இருவரில் ஒருவரை மட்டுமே காட்டுகிறது. சேனல் மாற்றி வரும் போது என்ன மேட்டர் என்று தெரிந்து கொள்வதற்குள் தாவு தீர்ந்துவிடுகிறது.
----

NDTV HINDU தமிழ் செய்திகளில் காரம் அதிகம். தெகிரியமாக மாநில அரசை தாக்குகிறர்கள். எவ்வளவு தூரம் போகிறது என்று பார்க்கலாம்.
---
IPL ல்விளம்பர வெறி ரொம்பவே ஜாஸ்தியாக உள்ளது. சிக்ஸ் அடித்தால் DLF மேக்ஸிமம் என்றும், கார்பன் கமால் கேச் என்று ஒவ்வொரு பததிற்குள்ளும் ஒரு விளம்பர இடைச்செருகலை செய்கிறர்கள். ஸ்ஸப்பஆஆ
----
காமெடி நிகழ்சிகளை விட சசிதரூர் லலித்மோடி யுத்தம் தமாஷாக இருக்கிறது. எவ்வளவு டீப்பா போறங்க, விட்டா நாலஞ்சு தலைமுறையை தோண்டி எடுப்பாங்க போலருக்கு. என்னைப் பொருத்தவரையில் லலித்மொடியை வெளியுறவு அமைச்சராக போடலாம். சசிதரூர் போன்ற போலி லிபரல் அரைக்கிறுக்கர்களை விட லலித் மோடி போன்ற தடாலடிப் பேர்வழிகள் அந்தப் பதவிக்கு பொருத்தமானவர்கள்.

கதம்பம்

2010-03-03T20:08:00.003+05:30

கீழே கருங்கல் தளம்.

மேலே கருங்கற்கள் பலகைகளாக வைக்கப்பட்ட கூரை.

கூரையை தாங்கிப்பிடிக்க கருங்கல் தூண்.

குறுக்குவாகாக கருங்கல் தூலம்

தூணில் செதுக்கப்பட்ட யாளி

யாளியின் அடியில் துதிக்கை கொண்டு ஏசலாடும் யானை.

யாளி மீது பாகன்.

பாகன் கையில் அங்குசம்.

அங்குசம் கண்டு மிரளும் யாழியின் கண்கள்

இவ்வளவும் தேவை ஒரு டியூப் லைட் மாட்ட

*********

ரின் -டைட் விளம்பர யுத்தம் காண சகிக்கவில்லை. இந்த FMCG நிறுவனங்கள் தாங்கள் தயாரிக்கும் பொருட்களுக்கு கொடுக்கும் பில்ட் அப் இருக்கிறதே அடேயப்பா.

சர்வ சாதாரணமான சமாச்சாரங்களான சலவை சோப், பவுடர் இவர்கள் நொபல் விஞ்ஞானிகளை கொண்டு தயாரித்தது போன்ற பிம்பத்த நிறுவ முயன்றாலும் அது பல சமயங்களில் படுதோல்வியில் முடிகிறது.

குறிப்பாக பற்பசை மற்றும் டூத் பிரஷ் போன்றவைகளை என்னவோ ராக்கெட் தொழில் நுட்பம் கொண்டு தயாரித்தது போல் காண்பிப்பார்கள்.

*********

பண்டைய தத்துவங்களையும் நவீன சிந்தனைகளையும் கலந்து பேல்பூரியாகத்தரும் நியூ ஏஜ் சாமியார்களைக்கண்டால் எனக்கு அறவே ஆகாது. செஷனுக்கு இவ்வளவு என்று மீட்டர் போட்டு அமவுண்டு கறக்கும் யாரையும் தத்துவ ஞானியாக என்னால் ஏற்றுக்கொள்ள முடியவில்லை. இப்பேர்பட்டவர்களின் பின்னால் சமூகத்தில் நல்ல ஸ்திதியில் உள்ள பலர் அணிவகுப்பது ஆச்சர்யம்.

இடது கன்னத்திற்கு ஒருவர், வலது கன்னத்திற்கு ஒருவர் என்று ஷேவிங் செய்வத்தில் கூட ஸ்பெஷலிஸ்டுகள் வந்துவிட்ட காலமிது. ஆனால் மேற்படி நியு ஏஜ் குருமார்கள் யோக கற்பிப்பது, பத்திரிக்கைக்கு பத்தி எழுதுவது, CEO க்களுக்கு அட்வைஸ் செய்வது , உலக அமைதியை ஏற்படுத்துவது , ஆஸ்பத்திரி நடத்துவது என்று சகலத்தையும் செய்கிறார்கள். பலர் சிலகாலம் ஆட்டத்தில் இருந்து கல்லா கட்டியவுடன் ஃபீல்ட் அவுட் ஆகிறார்கள். ஆட்டத்தில் தொடருபவர்கள் மாட்டிக்கொள்கிறார்கள்.

IPL பவுன்சர்

2010-01-23T13:21:00.002+05:30

ஐபிஎல் ஏலம் பாகிஸ்தானில் ஏகப்பட்ட பீலிங்ஸை கிளப்பி விட்டிருக்கிறது. அந்த நாட்டில் பலரும் நம்மூரில் சில பேரும் செம கடுப்பில் இருக்கிறார்கள். வியாபாரத்தையும் தேச பக்தியையும் நம்மாட்களும் பாகிஸ்தானியர்களும் போட்டு குழப்பி வருகிறர்கள்.
இதேபோல டாடா ஜாகுவாரை வங்கினாலும் மிட்டல் ஆர்செலரை வாங்கினாலும் தேவயற்ற தேசபக்தி டேகை ஒட்டிவிடுகிறர்கள்.
பாகிஸ்தான் தரப்பில் இருந்து வரும் பல கருத்துக்கள் பேத்தலாக உள்ளது.

1. யாரும் ஏலம் எடுக்கப்போவதில்லை என்று தெரிந்திருந்தால் ஏலம் விடாமலேயே இருந்திருக்கலாம். என்று ஒரு வாதம். அப்படி செய்திருந்தால் என்னவாகீருக்கும். இப்போது புலம்புபவர்கள்
'ஐயையோ! ஏலத்தில் பாக் விரர்களை சேர்க்கவில்லயே, நல்ல விலை கிடைக்கும் வாய்ப்பை தடுக்கிறார்களே' என்று வேறு விதமான ஒப்பாரி வைத்திருப்பார்கள்.

2. என்ன இருந்தாலும் உலக சாம்பியன், யாரையும் ஏலம் எடுக்காதது தப்பு.
இன்றைய கால்பந்து (காற்பந்து ?) உலக சாம்பியன் இத்தாலி, எத்தனை இத்தாலிய வீரர்கள் இப்போது EPLல் விளையாடுகிறர்கள்?

இறுதியாக பாகிஸ்தான் வீரர்களை நெதட்லாந்து, கானடா நாட்டு வீரர்களுடன் ஒப்பிட்டு கானடா மற்றும் நெதர்லாந்திற்கு களங்கம் ஏற்ப்படுத்தும் லலித் மோடியின் செயலுக்கு கண்டனம் தெரிவித்துக்கொள்கிறேன்.

சொல்வதற்கு மேலும் சில கருத்துக்கள்(!) இருந்தாலும் சனிக்கிழமை அன்று இவ்வளவு சுறுசுறுப்பு கூடாது என்பதால் அப்பீட்டாகிறேன்.

சென்று கொடு வென்று விடு

2010-01-06T20:04:00.002+05:30

சென்ற வருடம் பதிவு எதுவும் எழுதாமல் சாவியானேன், இந்த வருடமாவது இயன்ற வரை எழுத வேண்டும்.

கடந்த வார இறுதியில் கைய்யில் தட்டுபட்ட ஒரு நூலை படிக்கத்துவஙினேன். அதில் வரும் சில அரிய கருத்துக்கள்.

*எந்த வேலையை செய்தாலும் பலனை எதிர்பாராமல் ஆத்மார்த்தமாக செய்ய வேண்டும்.
*நம் செயல் மற்றவர்களுக்கு முன்னுதாரணமாக இருக்க வேண்டும்.
*நாம் என்னவாக நினைக்கிறோமோ அதுவாகவே மாறிவிடுகிறோம்.

மேற்படி கர்ம யோக மேட்டர்களை பொதுவாக நாம் கீதைபேருரைகளில் படித்திருப்போம். அல்லது கேட்டிருப்போம்.
கர்ம யோகத்தைப் பற்றியும், நிஷ்காம கர்மத்தையும் அலுவலக் சூழலில் பொருத்தி புனையப்பட்ட ஒரு நிர்வாகவியல் கதை "GO GIVER" புத்தகம்.

பொதுவாக மேலாண்மை நூல்களையும் சுய முன்னேற்ற நூல்களையும் நான் படிப்பதில்லை.

வேண்டா வெறுப்பாக இந்த நூலைப்படிக்க துவங்கினேன். ஒவ்வொரு அத்தியாயமும் கீதை தத்துவங்களையே சொல்வதால் பின்குறிப்பில் ஏதாவது இருக்குமா என்று பார்த்தேன். ம்ஹும்ம்.

எப்படியோ மீண்டும் கீதையை புரட்ட வைத்த நூலாசிரியர்களுக்கு நன்றி.

வண்டி எண் 103

2008-10-03T12:46:00.022+05:30

"வண்டி எண் 103 தாம்பரம் விழுப்புரம் வழியாக புதுச்சேரி செல்லும் துரித பாசஞ்சர் இன்னும் சற்று நேரத்தில் நான்காவது நடைமேடைக்கு வந்து செல்லும்" என்று கரகரத்த குரலில் வரும் அறிவிப்பைக்கேட்டு வேகமாக நடைமேடை நான்கை நோக்கிச்சென்றால். அங்கு நிதானமாக வரும் WDM 3d ERODE முன்னால் இழுத்துவர பின்னால் 9 பெட்டிகள் கொண்ட வண்டி தெரியும்.

வண்டியில் ஏறி இடம் பிடித்து உட்காருவது பெரும்பாலும் பிரச்சனை இல்லை, முகூர்த்த நாட்கள் ,மேல்மருவத்தூர் திருவிழா போன்ற சமயங்களில் மட்டும் கூட்டம் கொஞ்சம் இருக்கும்.

மகேந்திரா சிட்டி ஐ.டி மக்கள், மறைமலை நகர் தொழிலாளர்கள், SRM மாணவர்கள், வங்கி ஊழியர்கள், சென்னையில் குடித்தனம் இருந்து வெளியூர் பள்ளிக்குச் செல்லும் ஆசிரியர்கள் என்று வண்டி முழுவதும் சீசன் டிக்கட் கூட்டம் தான் இருக்கும்.

அவ்வப்போது செவ்வாடை அணிந்த மேல்மருவத்தூர் பக்தர்களும் வருவார்கள்.

காலை 6 30 க்கு எழும்பூரிலிருந்து புறப்பட்டு 10:50க்கு புதுவை செல்லும். காலை வேளைகளில் கில்லி மாதிரி டைமுக்கு வந்துவிடும் ஆனால் மாலையில் மெகா சொதப்பலாக வரும் அபகீர்த்தி இந்த வண்டிக்கு உண்டு.

வேகமென்றால் வேகம் அப்படி ஒரு வேகம். கிண்டியிலிருந்து தாம்பரத்திற்கு சுமார் 11 நிமிடத்தில் சென்றுவிடும். குளிர் காலங்களில் மூடுபனியைக் கிழித்துக்கொண்டு செல்லும் அழகை இந்தப்படத்தைப் பார்த்தாலே தெரியும்.

மற்ற வண்டிகளைப்போல அதிகம் வியாபாரிகளைக் காண முடியாது, ஒரே ஒரு சுண்டல்காரர் மட்டும் விடாமல் வருகிறார்.

ரெயில்வே நிர்வாகம் இந்த வண்டியை இயக்கும் விதமே அலாதியனது. இன்னதுதான் என்றில்லாமல் பல வித என்ஞின்களை பொருத்துவார்கள். ஆரம்பத்தில் ஈரோடு WDM3d, பிறகு டிசல் தட்டுப்பாடு ஏற்ப்பட்ட பிறகு WAP-4 Arakkonam எஞ்ஜினும் போட்டார்கள் , பிறகு என்ன ஆனதோ, பலவிதமான எலெக்ட்ரிக் எஞ்ஜின்களை பொருத்துகிறார்கள், WAG7 போன்றவை, ஒரு முறை துக்ளகாபாத் எஞ்ஜினைக்கூட பொருத்தினார்கள். இது போதாதென்று ICFல் ரிப்பேர் செய்யப்படும் ரெயில் பெட்டிகளை இந்த வண்டியில் இணைத்து சோதனை ஓட்டம் விடுவார்கள்.

பல நாட்கள் இந்த ரெயிலில் பயணம் செய்திருக்கிறேன், இப்போது புதிய வேலையில் சேர்ந்திருப்பதால் 103 ல் போகவேண்டிய தேவை இல்லை. I miss it.

மின் காந்த அடுப்பு (Induction Stove)

2008-09-01T08:49:00.007+05:30

சமீப காலங்களாக , வட்டார பத்திரிக்கைகள்,மின்சார ரயிலிலும் , மாநகர பேருந்துகளிலும் ஒட்டப்படும் விளாம்பரஙள் ஆகியவற்றில் வியாபித்திருப்பது மின்காந்த அடுப்புதான் (Induction Stove).

AC மின்சாரத்தின் நடுவே காந்த உணர்ச்சிக்கு உள்ளாகும் இரும்பு போன்ற உலோகங்களை வைப்பதால் உருவாகும் எட்டி கரண்ட் மூலம் உணவுப்பண்டங்களை சூடாக்குகிறது.
இந்த அடுப்பில் இரும்பு மற்றும் எவர்சில்வர் பாத்திரங்களை (Ferro or ferri magnetic)மட்டுமே வைத்து சமைக்க இயலும்.

குறைந்த அளவு மின்சார செலவில் (ஒரு மணிநேரத்திற்கு முக்கால் யூனிட்) சமையல் செய்யலாம். மின்குக்கர், மைக்ரோவேவ் போன்று மூடிய நிலையில் இல்லாமல் , திறந்த அடுப்பு என்பதால் நம்மூர் சமையலுக்கு மிகவும் ஏற்றது.

1700 முதல் 3500 ரூபாய் வரை பல வித வடிவங்களில் கிடைக்கிறது.
ஆரம்பத்தில் சில கடைகளிலிலும், பொருட்காட்சிகளிலும் மட்டுமே காணப்பட்டாலும் இன்று பெரும்பாலான பாத்திரக்கடைகளில் கிடைக்கிறது.

இவ்வளவு நல்லவிஷயங்கள் இருந்தாலும் இன்னும் விடியோகான், எல் ஜி, போன்ற பெரிய பிராண்டுகள் இதன் உற்பத்தியை துவக்கவில்லை. பெரும்பாலும் உப்புமா பிராண்டுகளே உள்ளன. எப்படி நம்பி வாங்குவது? இந்த அடுப்புக்களை விற்கும் ஒரு பிரதிநிதியை கேட்டபொழுது "மாசத்துக்கு 70 பீஸ் போவுது சார்" என்றார்.

கேஸ் தொல்லை பெரும் தொல்லையாக இருப்பதால் கண்டிப்பாக ஒன்று வாங்கியாக வேண்டும்.

ரஷ்யா ஜார்ஜியா போர்- இந்திய அரசு அதிரடி முடிவு!!

2008-08-11T17:01:00.011+05:30

கடந்த சில நாட்களாக ரஷ்யா ஜார்ஜியா நாடுகளுக்கிடையே தென் ஓஷேஷிய பகுதி தொடர்பாக போர் நடப்பது தெரியும்.

நானும் எவ்வளவோ தேடிப்பார்த்துவிட்டேன், இந்த விவகாரத்தில் இந்திய வெளியுரவுத்துறை எந்த கருத்தையுமே சொல்லவில்லையே ஏன்?

சில வருடங்களுக்கு முன்பு உலகத்தில் நடக்கும் அத்தனை விவகாரங்களுக்கும் பஞ்ச் டயலாக் சொல்லும் க.கந்தசாமியாக விளங்கிய இந்திய வெளியுரவுத்துறை இப்போதெல்லாம் மவுனம் சாதிக்கிறது, இல்லையென்றால் 'பேச்சுவார்த்தையின் மூலம் தீர்க்க வேண்டும்' என்பது போன்ற வழவழா கருத்தை சொல்லுகிறது.

நம்மால் ஒன்று கையால் ஆகாது பிறகு வாய்ச்சவடால் மட்டும் எதற்கு என்ற நிலைப்பாட்டிற்கு வந்துவிட்டார்களோ? உண்மை அதுவெனில் மிக்க மகிழ்ச்சி.

'நம்ம வழியை நாம பாத்துப்போம் , நமக்கு என் ஊர் நாட்டமை' என்று நினைத்தால் நாட்டிற்கு நல்லது.

கேரளாவில் தமிழக தொழிலாளர்களுக்கு அடி உதை!

2008-07-11T17:46:00.004+05:30

கொல்லம் புனலூர் அகல ரெயில் திட்டப்பணிகளை செய்துகொண்டிருந்த தமிழக மற்றும் ஆந்திர தொழிலாளர்கள் அடித்து உதைக்கப்பட்டனர்.

உள்ளூர் காரர்களை வேலைக்கு அமர்த்தாததால் ஒப்பந்தக்காரர்கள் மீது கோபம் கொண்டு தொழிலாளர்களின் மீது தாக்குதல் நடந்துள்ளது. சில பல தொழிற்சங்கங்களும் இதற்கு உடந்தை.

சில கேள்விகள்
************************
1. இடதுசாரிகள் செய்தால் 'ராஜ் தாக்கரேத்தனம்' சரியா?
2. உலகெல்லாம் உழைத்துப்பிழைக்கும் மலையாளிகள் இவ்வாறு செய்வது என்ன நியாயம்?

தேவே கவுடாவும் அணுசக்தி ஒப்பந்தமும்.

2008-07-08T13:22:00.005+05:30

சரியாக 10 மாதங்களுக்கு முன்பு முன்னாள் பிரதமர் இந்திய அமெரிக்க அணுசக்தி ஒப்பந்தத்தை எதிர்த்துக் குடுத்த கடும் கண்டனம்.

Expressing disapproval of the Indo-U.S. nuclear deal, the former Prime Minister H.D. Deve Gowda on Tuesday said that if it is operationalised, India would become “a puppet in the hands of America.”

இன்று அதே தேவகவுடா அடித்த அந்தர் பல்டி.

After SP, JD(S) offers Cong support on N-Deal

எனக்கு ஒரு டவுட்
-----------------------------
இடதுசாரிகளின் ஆதரவு என்னும் சங்கடத்தை எதிர்கொள்ளவே இவ்வளவு பாடுபட்ட காங்கிரஸ், முலயாம், அஜித்சிங்க் , தேவே கவுடா போன்ற ஆசாமிகளை எப்படிச் சமாளிக்கப்போகிறது?

என் ஆசை
---------------
அணுசக்தி ஒப்பந்தம் நிறைவேற வேண்டும். ஆனால் ஆட்சி கவிழ வேண்டும்.

குஜ்ஜார் போராட்டம் சில எண்ணங்கள்

2008-06-02T09:06:00.007+05:30

குஜ்ஜார் போராட்டம் கடந்த பல நாட்களாக நடந்து வருகிறது.ராஜஸ்தானின் மக்கள் தொகையில் 6-7 % வரை உள்ள இவர்களின் போராட்டம் மற்ற 90+% மக்களின் அன்றாட வாழ்க்கையை பாதிக்கிறது. மற்ற சமூக மக்களிடம் இதனுடைய எப்படி backlash இருக்கும் என்று குஜ்ஜார்கள் யோசித்ததாக தெரியவில்லை.

******

முக்கியமான மும்பை டில்லி FEDL ரயில் பாதையை ஆக்க்கிரமித்துள்ளதால் ராஜஸ்தானின் இயல்பு வாழ்க்கை மட்டுமல்லாது வட இந்தியவே பெரும் பாதிப்புகுள்ளாகி இருக்கிறது

தலைக்குமேலே மின்சார கம்பியுடன் சேர்ந்த ரயில் பாதையை விட சில வெளி நாடுகளில் உள்ளது போல் மூன்றாம் ரயில் (Third rail system) எனப்படும் மின்சார தண்டவாளங்களை அமைப்பதின் மூலம் ரயில் மறியல் தமாஷ்களை ஒழிக்க முடியும்.

*******

ராஜஸ்தான் அரசு ஒரு தவறு செய்துவிட்டது. சென்ற வருடம் இதே கோஷ்டி இதே போன்றதொரு போராட்டத்தில் ஈடுபட்டது. இந்திய ஆட்சி முறையில் நிரந்தர தீர்வான 'கமிட்டி' அமைப்பதன் மூலம் அப்போதைக்கு அமைதி திரும்பியது. அதே சூட்டோடு இந்த குஜ்ஜார் போராட்ட குழுவை உடைத்திருக்க வேண்டும். குஜ்ஜார்கள் சில பல பிரிவுகளாக இருந்தால் இவ்வளவு சேதம் ஏற்ப்பட்டிருக்காது.

வெள்ளைக்காரன் விட்டுச்சென்ற பிரித்தாளும் சூழ்ச்சி என்னும் அருமையான நிர்வாக நடைமுறையை நம்முடைய அரசுகள் விடலாகாது

*******

உண்ணாவிரதம் இருப்பது, மனு கொடுப்பது, போன்ற போராட்ட வடிவங்களுக்கு இப்போது அரசு எந்த மரியாதையையும் கொடுப்பதில்லை. ஆர்ப்பாட்டம், சாலை மறியல், வன்முறை, கலவரம், துப்பக்கி சூடு இவ்வளவும் நடந்தால் தான் என்ன என்றே திரும்பிப்பார்க்கிறார்கள்.

*******
இவ்வளவு பேர் துப்பாக்கி சூட்டில் இறந்து போராடம் ஒருவேளை வெற்றி பெற்றால், இவர்களில் சில நூறு பேருக்கு அரசாங்க உத்தியோகம் கிடைக்கும்.

பூடானில் பிளந்துகட்டிய பிரதமர்!

2008-05-20T11:25:00.004+05:30

உலகின் இளைய நாடாளுமன்றம் என்ற பெருமையை பெற்றிருக்கும் பூடான் நாட்டு நாடாளுமன்றத்தின் சிறப்புக் கூட்டதில் பிரதமர் மன்மோகன் சிங் சிறப்புரை ஆற்றியிருக்கிறார்.

இது ஒரு வரலாற்று சிறப்பு வாய்ந்த நிகழ்வு.

அப்படி என்ன சிறப்பு?

சொந்த நாட்டு நாடாளுமன்றத்தில் பெரும்பாலும் பேச முடியாமல் தவிப்பவர், பக்கத்து நாட்டு பார்லிமென்டில் பிளந்து கட்டுகிறாரென்றால் சிறப்புதானே!!

முல்லாக்களின் தோல்வி

2008-02-19T13:35:00.005+05:30

பாகிஸ்தான் தேர்தலில் முஷராப்பின் ஆசிப்பெற்ற அளும்கட்சி மட்டுமல்லாது முல்லாகளின் கூட்டணியான முத்தாஹிதா மஜ்லீஸ் ஈ அமல் (எம்எம்ஏ) வும் படுதோல்வி அடைந்துள்ளது. கலைக்கப்பட்ட பாராளுமன்றத்தின் எதிர்கட்சி தலைவராக இருந்த மவுலான ஃபஜ்லுர் ரகுமான் தோல்வி அடைந்துளார். சென்ற தேர்தலில் எம்எம்ஏ மூன்றாம் இடத்தில் தான் வந்தது.

பேனசிரின் கட்சி முதலிடத்திலும் முஷராப்பின் ஆசிபெற்ற PML(Q) இரண்டமிடத்திலும் வந்தன. அனாலும் பேனசிரின் கச்சியை உடைத்து PML(Q) வை ஆளும்கட்சியக்கினார்.
எதிர்கட்சி தலைவர் பதவியையும் எம்எம்ஏவுக்கு தந்தார். அதில் ஒரு ராஜ தந்திரம் உள்ளது.

முஷராப் அமெரிக்காவிடம் சென்று 'பார் எதிர்க்கட்சி வரிசையில் ஒரு முல்லா உட்க்கார்ந்து இருக்கிறான் , என் நான் ஆட்சி இழந்தால் அவன் தான் பதவிக்கு வருவான்' என்று பூச்சாண்டி காட்ட எம்எம்ஏ அவருக்கு உதவியது. அனால் இந்த தேர்தலில் ஆளும் PML(Q) வைவிட அதிகமாக உதை வாங்கியது எம்எம்ஏ தான்.
NWFP யின் மாநில ஆட்சியும் அவர்கள் வசம் இருந்தது அங்கு இப்போது வெறும் இரண்டு இடங்கள் மட்டுமே கிடைத்துள்ளன.

முழு விவரம்

நீர்மூழ்கி கார்

2008-02-15T11:06:00.003+05:30

சுவிட்ஸர்லாந்தின் ரின்ஸ்பீட் நிறுவனம் ஸ்க்யூபா என்ற நீர்முழ்கி காரை அடுத்த மாதம் ஜெனீவாவில் அறிமுகப்படுத்தவுள்ளது. பத்து மீட்டர் அழம் வரை நீந்திச்செல்லக் கூடிய திறனுள்ளது. முற்றிலும் லிதியம் பேட்டரிகளால் இயக்கப்படும் இந்தக் வண்டி எந்த மாசையும் வெளியே உமிழாது.

சுட்டி

ISBயின் வெற்றியும் அரசின் தோல்வியும்

2008-02-05T12:19:00.000+05:30

லண்டன் ஃபைனன்ஸியல் டைம்ஸ் பத்திரிக்கை வெளியிட்ட தர வரிசையில் உலகின் முதல் 20 இடங்களுக்குள் இந்தியன் ஸ்கூல் அஃப் பிசினஸின் MBA டிகிரி இடம்பெற்றுள்ளது. நல்ல செய்தி என்றலும் தில் ஒரு நகை முரண் உள்ளது. என்னவென்றல், ISB யின் MBA டிகிரி AICTE ஒப்புதலை இதுவரை பெறவில்லை.

சட்ட ரீதியாக பார்க்கையில் நாட்டில் செயல்படும் பல டுபாக்கூர் கல்வி நிறுவனங்களும் ISBயும் ஒன்றுதான். ISBயோ எங்களுக்கு AICTE/UGCயின் முத்திரை தேவையில்லை என்று கூறுகிறது.

இது எவ்வாறு சாத்தியமானது?

NIIT, இதற்கு அதிக அறிமுகம் தேவையில்லை, எப்படி எந்த அரசு சான்றிதழும் பெறாமல் தரமான கல்வி அளிக்கிறதோ அப்படித்தான். தொடர்ந்து நற்பெயரை தக்க வைத்துக்கொண்டாதே NIITக்கு போதுமானதாக இருந்தது.

ISB கெல்லாக், வர்ட்டன் மற்றும் லண்டன் மேலாண்மை கல்விச்சாலைகளுடனான ஒப்பந்தங்கள் மற்றும் முதல்தர ஆசிரியர்களின் உதவியால் AICTE யுடன் இணையாமலேயெ நல்ல கல்வியை அளிக்க முடிகிறது. இப்போது மேலாண்மை கல்விச்சாலைகளின் சர்வதேச சங்கமான AACSBயுடன் சேர முயற்சிக்கிறது.

படத்திட்டம்,கட்டணம், சேர்க்கை, போதனை, ஹாஸ்டல் உணவு, செல்போன் கொண்டுவரலாமா, என்று எல்லாவற்றையும் அரசு தான் கட்டுபடுத்த வெண்டும் என்று குதிப்பவர்கள் ISB மற்றும் , தேசிய ஹோட்டல் தொழில் கூட்டமைப்பு நடத்தும் ஹோட்டல் மேலாண்மை கல்வித்திட்டதியும் (இதற்கும் 'அரசு அனுமதி' கிடையாது) பார்த்து புரிந்து கொள்ள வேண்டும்.

இந்தியன் எக்ஸ்ப்ரெஸ் தலையங்கம்

முஷாரப்,பிலாவல்,பக்னர்

2008-01-03T11:13:00.000+05:30

வழக்கமாக NDTV , CNN IBN போன்ற செய்தி தொலைக்காட்சிகளில் இடம்பெறும் விவாதங்களையும் SMS மூலமாக நடைபெறும் ஓட்டெடுப்புக்களையும் நான் பொருட்படுத்துவதில்லை.

இவற்றால் எந்த ஒரு பெரிய பலனும் வந்துவிடாது என்பதால் மட்டுமல்ல, இவற்றில் பங்குபெருவோர் எதையும் செய்யமல் பெரிதாக சாதித்து விட்டதைப்போல் எண்ணுவதாலும் கூட.

நேற்று NDTV ல் ஓட்டெடுப்புக்கான கேள்வியை தற்செயலாக் பார்க்க நேர்ந்தது.

முஷாரப் இப்போது பதவி விலக வேண்டுமா? என்பதே கேள்வி.

இது நம்மைப் பொருத்த வரை தேவையில்லாதது மட்டுமல்ல் ஒரு சொசெசூ முயற்சியும் கூட.

பாகிஸ்தானின் அதிபர் பதவியில் தொடரவேண்டுமா என்கிற கேள்வியை இந்திய நேயர்களிடம் ஒரு தொலைக்காட்சி முன்வைக்க வேண்டிய அவசியம் என்ன? இதே போல் ஒரு பாகிஸ்தான் டிவி மன்மோகனை சிங்கைப்பற்றி கருத்துக் கணிப்பு நடத்தினால் நாம் ஏற்றுக்கொள்வோமா.

பாகிஸ்தானின் நிலவரத்தைப் பற்றி தெரிந்து கொண்டு ராஜாங்க ரீதியாக நடவடிக்கை எடுப்பது வேறு, இதுபோல் வெளிப்படையாக மூக்கை நுழைப்பது வேறு.
-----

குடும்ப அரசியலின் பரிணம வளர்ச்சியாக இப்போது 19 வயது பிலாவலை பாகிஸ்தான் மக்கள் கட்சியின் தலைவராக வந்துள்ளது சோகத்திலும் ஒரு காமெடி. பிலாவல் புட்டோ ஜர்தாரி, ஜுல்பிகார் அலி புட்டோவை நேரில் கண்டது கூட இல்லை.

ஜியா உல் ஹக் இறந்த போது ஒரு வயது இருக்கும்.

'ஜின்னாவுடனும், ஜுல்பிகார் அலி புட்டோவுடனும் அரசியல் செய்த நான் இப்போது யார் யாருடனோ அரசியல் செய்ய வேண்டியுள்ளதே' என்று கிழ போல்டு யாரும் சொல்லாமல் இருக்க பிலாவலுக்கு என் வாழ்த்துக்கள்.

-----

ஸ்டீவ் பக்னர் இந்த முறையும் சொதப்பியதாக தெரிகிறது. நான் சிறு பிள்ளையாய் இருந்த காலத்திலிருந்து அவர் அம்பயராக இருக்கிறர். சீக்கிரம் ரிடையர் ஆவது நலம்.

---
முஷாரப்,பிலாவல்,பக்னர் இவங்கள வெச்சு இன்னிக்கு மசாலவை அரச்சாச்சு (எவ்வளவு நாள் தான் மொக்கைப்பதிவுனு சொல்லறது, பதிவுலகம் அடுத்த கட்டத்துக்கு போக வாணாவா?)

பேனசிர் கொலை, ஏன்?

2007-12-28T15:26:00.000+05:30

25/01/2004

அணு ஆயுத கள்ளச்சந்தை நடத்தியதை ஒப்புக்கொண்டார் அப்துல் காதர் கான்.

கானுக்கு பொது மன்னிப்பு வழங்கினார் முஷாரப்.

அணு ஆயுத கள்ளச்சந்தையைப் பற்றி அமெரிக்க அப்துல் காதர் கானிடல் விசாரிக்கத் தடை விதித்தார் முஷராப்

2007
அமெரிக்காவின் உந்துதலில், தேர்தலை நடத்தவும், பேனசிரை நாட்டுக்குள் அனுமதிக்கவும் ஒப்புக்கொண்டார் முஷாரப்.

26/9/2007
வெற்றி பெற்றால் அப்துல் காதர் கானை IAEA விடம் ஒப்படைப்பேன் - பேனசிர்

27/12/2007 பேனசிர் படுகொலை

இதுதான் காரணம் என்று இல்லை, ஆனால் இன்னும் பல வருடங்களுக்கு இது போன்ற பல conspiracy theories உலா வரும்.

கர்நாடகம் காட்டும் வழி!!

2007-11-16T11:23:00.000+05:30

கர்நாடகா மாநிலத்தில் 2004 ல் நடந்த தேர்தலில் யாருக்கும் பெரும்பான்மை கிடைக்கவில்லை, பாஜக முதலிடத்திலும் காங்கிரஸ் இரண்டாவதாகவும் தேவகவுடாவின் ஜத(எஸ்) மூண்றாவதகவும் வந்தன.

ஏதேனும் இரண்டு கட்சிகள் ஒன்று சேர்ந்தால் தான் ஆட்சி அமைக்க முடியும் என்கிற நிலை. முதல் இருபது மாதங்கள் , காங்கிரஸின் தரம் சிங் முதல்வராக இருந்தார், அவரை கவிழ்த்து பின்னர் குமாரசாமி ஜதவின் சார்பில் ஆட்சியை பிடித்தார்.

இப்போது பா.ஜ வின் எடியூரப்பா விடம் ஆட்சி வந்துள்ளது.

ஆக ஒரே சட்ட சபையை வைத்துக்கொண்டு 20 மாத காங்கிரஸ் ஆட்சி, 20 மாத ஜத(எஸ்) ஆட்சி, 20 மாத பா.ஜ ஆட்சி என்று சரிசமமாக ஆட்சி பகிரப்பட்டுள்ளது.

மக்களின் தீர்ப்பு மதிக்கப்பட்டுள்ளது.

இதில் மற்றொரு நன்மையும் உள்ளது. வெறும் 20 மாதங்களே ஆட்சி நடப்பதால் எந்த ஒரு தொலைனோக்குத் திட்டதையும் செயல் படுத்தமுடியாது. இதன்மூலம் பல சீரழிவுகள் தடுக்கப்படும்.

28% ஓட்டு வாங்கி விட்டு ஒரே கட்சி 5 ஆண்டுகள் குப்பை கொட்டுவதை விட இது தேவலை.

நம்முடைய தேர்தல் முறை வாங்கும் ஓட்டின் அளவிற்கேற்ப ஆட்சியை பகிர்ந்துகொள்ளும் விகிதாச்சார முறையில் இல்லை என்றாலும் , கர்நாடகத்தில் நடந்த இந்த அரசியல் விபத்தின் மூலம் எதிர்காலத்தில், பாராளுமன்ற முறையிலேயே விகிதாச்சார முறையையும் உள்வைத்து விடமுடியும் என்று புலனாகிறது.

இதனை வெளிக்கொணர்ந்த கர்நாடக அரசியல் மேதை தேவேகவுடருக்கு என் நன்றிகள்.

-----
இப்படி எழுதிய 48 மணி நேரத்தில் ஆட்சி கவிழ்ந்து விட்டது. என் கணிப்பை பொய்யாக்கிய கர்நாடக அரசியல் மேதை தேவேகவுடருக்கு நன்றி.

படுதோல்வி அடைந்த பாகிஸ்தான் இராணுவம்

2007-11-06T15:43:00.000+05:30

பாகிஸ்தான் நாட்டின் வட மேற்கு எல்லை மாகாணத்தின் ஸ்வாட் மாவட்டத்தை தலிபான் கைப்பற்றியுள்ளனர். எதிர்த்து நின்ற பாகிஸ்தானிய துருப்புக்களை கைது செய்து ஒவ்வொரு சிப்பாயிடமும் ௫. 500 கொடுத்து திருப்பி அனுப்பியுள்ளனர்.

மாவட்டத்தின் அரசு அலுவலகங்களில் பரந்த பாகிஸ்தான் கொடிகளை இறக்கி தலிபான் கோடி பறக்கவிடப்பட்டுள்ளது.

இதுவரை தன்னாட்சி பெற்ற பழங்குடிப் பகுதிகளிலேயே இருந்து வந்த தலிபான் ஆதிக்கம் இப்போது பாகிஸ்தானின் ஒரு முழு மாவட்டத்தையும் தன் கைக்குள் கொண்டு வரும் அளவுக்கு வளர்ந்துள்ளது.

மூன்று போலிஸ் நிலையங்களை கடந்த இரண்டு நாட்களில் கைப்பற்றியுள்ளனர். சுற்றுலா நகரமான ஸ்வாட்டில் சுமார் 500 ஹோட்டல்கள் மூடப்பட்டுள்ளன. 50000 மக்கள் இதுவரை வெளியேறியுள்ளனர்.
முஷாரப் அவசர நிலையைப் பிரகடனம் செய்த பிறகு இந்த நிகழ்வு நடந்துள்ளது.

http://www.thenews.com.pk/daily_detail.asp?id=79145

செயலிழந்துவிட்ட பாகிஸ்தான் ராணுவம்

கலக்கற BCCI! புது ஆளு, புது நீக்கம், அதே காரணம்!

2007-10-29T15:15:00.001+05:30

டிசம்பர் 2005

இந்திய அணி தொடர் தோல்வி, மூத்த வீரர்கள் சரியாக விளையாடவில்லை குறிப்பாக கங்குலி க்கு நிறைய வாய்ப்பு அளித்தும் அவர் சரியாக விளையாடவில்லை கங்குலியை நீக்க வேண்டும்,
கங்குலி நீக்கப்பட்டார்.

ஜனவரி 2007

இந்திய அணி தொடர் தோல்வி, மூத்த வீரர்கள் சரியாக விளையாடவில்லை குறிப்பாக சேவாகிற்கு நிறைய வாய்ப்பு அளித்தும் அவர் சரியாக விளையாடவில்லை சேவாக்கை நீக்க வேண்டும்,
சேவாக் நீக்கப்பட்டார். கங்குலி சேர்ப்பு

அக்டோபர் 2007

இந்திய அணி தொடர் தோல்வி, மூத்த வீரர்கள் சரியாக விளையாடவில்லை குறிப்பாக திராவிடுக்கு நிறைய வாய்ப்பு அளித்தும் அவர் சரியாக விளையாடவில்லை திராவிட்டை நீக்க வேண்டும்.

திராவிட் நீக்கப்பட்டார். சேவாக் சேர்ப்பு

2008

யார்?

தெருக்களை சுத்தம் செய்ய சீன டெக்னிக்

2007-10-24T12:28:00.000+05:30

சீனாவின் ஹெபேய் மாகணத்திலுள்ள கிங்ஹுவாங்க்டோ நகரில் ஒரு ட்ரைசைக்கிள் மற்றும் ஒரு டஜன் துடைப்பங்களைக்கொண்டு தெருக்களை சுத்தம் செய்யும் வண்டியை அறிமுகப்படுத்தியுள்ளனர்.

மோட்டரில் இணைக்கப்பட்ட துடைப்பக்கள் இடப்புரமாகவும் வலப்புரமாகவும் சுழலச்செய்து தெருக்களில் உள்ள குப்பைகளை ஓரமாக குவிக்கிறது. பின்னர் ஓரமாக குவிந்த குப்பைகளை வேறொரு இயந்திரம் மூலமாக அள்ளுகிறார்கள்.

நன்றி Ananova, Daily Times.

Dragons den

2007-10-06T14:37:00.000+05:30

பிபிசி 2 தொலைக்காட்சியில் வந்த ஒரு ரியாலிடி நிகழ்ச்சி.

ஐந்து தொழில் முதளீட்டாளர்கள் தான் ட்ராகன்ஸ். இவர்களிடம் தொழில் முனைவோர் வந்து தாங்கள் கண்டுபிடித்த சாதனத்தைப்பற்றியோ நடைதி வரும் தொழிலைப்பற்றியோ கூறி, அதனை விரிவாக்கவும் , பொருட்களை
சந்தைப்படுத்தவும் உதவி கேடபார்கள். ட்ராகன்ஸ் தரும் பணத்திற்கு பதிலாக பிசினஸில் பங்குகளை தருவார்கள்.

ட்ராகன்கள் இவற்றை ஆய்வுசெய்த்து கிடுக்கிப்பிடி கேள்விகளை கேட்டு, நல்ல முதலீடாகப்பட்டால் பணத்தை போடுவார்கள். ஆனால் இந்த நிகழ்ச்சியிலிருந்து பலர் வெறும் கையுடன் தான் திரும்பினார்கள். நல்ல கண்டுபிடிப்புகளைக்கொண்டு வருபவர்களை வெகுவாகப்பாராட்டி , சந்தைப்படுத்க்டும் முறைகளை சொல்லிக்கொடுத்து முதலீடும் செய்தார்கள்.

நல்ல நிகழ்ச்சி. நம்மூரிலும் இப்படி எதாவது செய்யலாம். நிகழ்ச்சியைப் பற்றி படிக்கவும் பார்க்கவும்.

இரண்டு சர்வாதிகாரங்களின் கதை.

2007-10-05T10:10:00.000+05:30

பாகிஸ்தான், பர்மா என்று இந்தியாவின் இரண்டு அண்டைநாட்டுச் சர்வாதிகாரங்கள் இப்போது சிக்கலில் இருக்கின்றன. இரண்டும் வெவ்வேறு திக்கில் பயணிக்கின்றன.

நவாஸ் ஷெரீப் சில நாட்களுக்கு முன்பு (மறுபடியும்) நாடுகடத்தப்பட்ட போது பெரும் கொந்தளிப்பி ஏற்படும் என்று எதிர்பார்க்கப்பட்டது ஆனால் அப்படி எதுவும் நடக்கவில்லை .

கடந்த ஐந்து ஆண்டுளாக (முன்னாள் சிட்டிபாங்க் அதிகாரி) பிரதமர் சவுகத் அஜீஸ் தலைமையில் நடக்கும் பொருளாதார சீர்திருத்தமும், அதனால் ஏற்பட்ட பொருளாதார வளர்ச்சியும் ஒரு காரணம்.

மதவெறி அமைப்புக்கள் பலமாக இருந்தாலும், இன்றைய பாகிஸ்தானி மிடில் க்ளாஸ்களிடம் மேற்கத்திய மோகமே அதிகமாக உள்ளது. லாகூர் கல்லூரிப் பெண்கள் அணியும் உடைகளிலேயே இதைக்காணலாம். பாகிஸ்தானின் நடுத்தர வர்க்கம் தற்போது அரசியலில் கவனம் செலுத்தாமல் ஜப்பான் தென் கொரியா, மலேசியா, சீனா, இந்தியா போன்று இன்னொரு ஆசிய புலியாக உருவாகத்தான் நினைக்கின்றனர்.

கடந்த சில ஆண்டுகளாக தனியார் செய்தி தொலைகாட்சிகளின் தயவால் வெளிப்படையான அரசியல் வவாதங்கள் நடக்கின்றன. தலைமை நீதிபதி பதவிநீக்க விவகாரத்தை அடுத்து நீதிமன்றங்களும் தன்னிச்சையாக இயங்குகின்றன.

இதுவே பர்மாவில், ஆங்க் சான் சூ கீ போன்றொரின் செய்திகள் தணிக்கை செய்யப்படுகின்றன , ஒரு செய்தி கூட வெளியிடப்படுவதீலை. கண்டிப்பாக ராணுவத்தை மீறி நீதிமன்றங்களால் செயல்பட முடியாது.

இந்த வேறுபாட்டுக்கு என்ன காரணம்? இரு நாடுகளும் பல ஆண்டுகளாக ராணுவ ஆட்சியின் கிழிருந்தாலும் (பாகிஸ்தானில் விட்டு விட்டும், பர்மாவில் தொடர்ந்தும்) பாகிஸ்தானிய ஆட்சி ஓரளவுக்கு திருந்துவது போல் தெரிவதற்க்கு காரணம் உலக நாடுகள் இன்று வரை பாகிஸ்தானை புறக்கணிக்காமல் அரவணைத்து செல்ல முயன்றது தான். ஆனால் பர்மாவின் மீதோ தொடர்சியாக பொருளாதார தடை விதித்து பர்மா நாட்டையே தனிமைப்படுத்தி விட்டார்கள். இப்போது பர்மா அரசு யாரையும் மதிப்பதில்லை. உலக மீடியா சொல்வதையும் கண்டுகொள்வதில்லை.

தொடர்ந்து வரும் வெளிநாட்டு அரவணைப்பினால் பாகிஸ்தானிய ஆட்சியில் ராணுவந்தின் பிடி நழுவுகிறது.

தொடர்ந்து வரும் வெளிநாட்டு புறக்கணிப்பினால் பர்மீய ஆட்சியில் ராணுவந்தின் பிடி இறுகுகிறது.

Daily Times என்னும் பாகிஸ்தானிய நாளிதழில், சிங்கை பொருளாதார பேராசிரியர் கிஷோர் (அட இவரும் கிஷோர் தான்) மக்பூபானியின் கட்டுரையின் தமிழாக்கம். ஆங்கிலத்தில் வாசிக்க.

பர்மாவை அனைவரும் கும்மக் காரணம் என்ன?

2007-09-28T15:32:00.000+05:30

புத்தபிட்சுக்களின் போராட்டத்தின் விளைவாக இன்று மியன்மர் நாடு (பர்மா) உலக மீடியாவிற்கு தீனி போட்டுக்கொண்டிருக்கிறது. ஆளாளுக்கு பர்மீய இராணுவ ஆட்சிக்கு எதிராக கண்டனம் தெரிவிக்கிறார்கள்.

இப்படி அனைவரும் பர்மாவை கும்மு கும்மு என்று கும்மக் காரணம்?

அது ஒன்று மட்டும் தான் சர்வாதிகார நாடா? இல்லையே.

உலகிலுள்ள சர்வாதிகார நாடுகளின் பட்டியலைப் போடுங்கள். அவற்றில் பெரும்பான்மையானவை ஆப்பிரிக்க நாடுகள்.

இவர்களை எதிர்த்தால் நிறவெறியன் என்ற பட்டம் வந்து சேரும்.

மீதம் இருக்கும் சர்வாதிகார நாடுகளில் பெரும்பான்மையானவை முஸ்லிம் நாடுகள். எந்த முற்போக்குவாதியாவது முஸ்லிம் நாடுகளை எதிர்ப்பானா?.

இவற்றை தள்ளிப் பார்த்தால் ஆறு கம்யூனிச சர்வாதிகார நாடுகள் இருக்கின்றன. அவையும் முற்போக்குவாதிகள் எதிர்க்கத்தக்கவை அல்ல.

எஞ்சி நிற்பது பர்மா மட்டுமே. அதனால்தான் அனைவரும் வெளுத்து வாங்குகிறர்கள்.

On Myanmar we can be both democratic and politically correct. Hurray!!

இராம்பாக்கம் மஹாஸம்ப்ரோக்ஷணம்

2007-09-11T17:18:00.000+05:30

அடியேனின் சொந்த ஊரான விழுப்புரம் மாவட்டம் இராம்பாக்கம் கிராமத்தில் எழுந்தருளியிருக்கும் ஸ்ரீ வேதவல்லி நாயிகா சமேத ஸ்ரீ லக்ஷ்மி நாராயணப் பெருமாள் திருக்கோவில் மஹாஸம்ப்ரோக்ஷணம் வரும் ஞாயிறு (16.09.2007) அன்று காலை 8:10 மணிக்கு ஸ்ரீரங்கம் ஸ்ரீமத் ஆண்டவன் ஸ்ரீ ரங்க ராமானுஜ மஹாதேசிகன் ஸ்வாமி முன்னிலையில் நடக்க இருக்கிறது.

இந்த வைபவத்திற்கு முன்னதாகவே வந்திருந்து எம்பெருமானின் க்ருபா கடாக்ஷத்திற்கு பாத்திரராகும்படி அனைவரையும் ப்ரார்த்திக்கிறேன்.

செயலிழந்துவிட்ட பாகிஸ்தான் ராணுவம்

2007-09-10T14:49:00.000+05:30

பாகிஸ்தானின் வடமேற்கு எல்லை மாகானத்தை ஒட்டிய , பழங்குடியினர் அதிகமாக வசிக்கும் வஜீரிஸ்தான் பகுதியில் பாகிஸ்தான் ராணுவம் சில ஆண்டுகளாக தலிபான்களிடம் திக்குமுக்காடுவதை கண்டுவருகிறோம்.

கடந்த வாரம் நடந்த ஒரு நிகழ்ச்சி கிட்டத்தட்ட பாகிஸ்தான் ராணுவம் செயலிழந்து விட்டதை காட்டுகிறது. இருநூற்றுக்கும் அதிகமான பாகிஸ்தான் விரர்கள் (அரசு 150 என்கிறது, பழங்குடிகள் 300 என்கிறார்கள்) வெறும் பத்து தாலிபான் ஆதரவு தீவிரவாதிகளால் கடத்தப்பட்டார்கள்.
எந்த தாக்குதலும் இன்றி, பாகிஸ்தான் ராணுவம் ஒரு தற்காப்பு முயற்சி கூட எடுக்காமல், ஒரு துப்பாக்கி குண்டு கூட செலவாகாதவகையில், எதிர்ப்பே இன்றி சரணடைந்துள்ளார்கள். இதில் ஒரு துணை கர்னலும் அடக்கம். ஒரு பத்து நாட்களுக்குப் பிறகு இன்று 254 பேர் விடுவிகிக்கப்பட்டுளனர். (அப்போ கவர்மென்ட் சொன்னது தப்பு)

ஏன் இப்படி unprofessionalஆக நடந்து கொண்டார்கள் என்று தெரியவில்லை. எனக்கு படுகிற காரணங்கள்.

1. அரசியலில் வெகு ஆழமாக ஈடுபட்டு சண்டை போடும் திறமையை இழந்துவிட்டார்கள்.
2. கடந்த எட்டாண்டுகளாக பாகிஸ்தானின் பல்வேறு PSUக்களுக்கு இராணுவ அதிகாரிகள் தான் சேர்மன், எம்டி, எல்லாம், இரெயில்வே உட்பட. இப்படி சொகுசாக இருப்பவர்களை சண்டைபோடச் சொன்னால்.
3. அல்கொய்தா/தாலிபான் ஆட்கள் ராணுவத்துக்குள் முழுமையாக ஊடுருவிவிட்டார்கள்.

என்ன இருந்தாலும் உள்நாட்டுப் பாதுகாப்பு இப்படி பலவீனப்பட்டுள்ள நிலைமை மிகவும் ஆபத்தானது. பாகிஸ்தானுக்கு மட்டுமல்ல நமக்கும்தான்.

அணுசக்தி ஒப்பந்தம்-சீனா-Mitrokihn-

2007-09-04T16:56:00.000+05:30

Mitrokihn Archives என்னும் புத்தகம் வெளிவந்தபோது நாடு சில நாட்கள் அல்லோலகல்லோலப்பட்டது சிலருக்கு நினைவிருக்கலாம். சில நாட்களுக்குப் பிறகு வழக்கம் போல அந்த விஷயமும் அமுங்கிப்போனது. அந்த நாளைய கம்யூனிஸ்டு தலைவர்களுக்கு KGB தாராளமாக 'உதவி' செய்ததையும் அதற்கு தக்க வகையில் அவர்கள் தேசதுரோக கைம்மாறு செய்த்தாகவும் அந்த புத்தகத்தில் சொல்லப்பட்டிருந்தது.

இந்திய அமெரிக்க அணுசக்தி ஒப்பந்ததை இன்று இடதுசாரிகள் தீவிரமாக எதிர்க்கிறார்கள், இன்னும் சில பல ஆண்டுகளில் சீனாவில் அரசியல் மாற்றம் ஏற்பட்டால் (ஒருவேளை) மிட்ரோகின் போல யாராவது புத்தகம் எழுதப்புறப்படலாம். ஆகவே எதிர்ப்பவர்களுக்கு கொஞ்சம் எச்சரிக்கை தேவை. இடதுசாரிகள் அத்வானியை போல் எதிர்பது போல் எதிர்த்து ஆதரிப்பது போல் ஆதரித்துவிடலாம். :-)

இந்திய அமெரிக்க அணுசக்தி ஒப்பந்ததை நான் ஆதரிக்கிறேன். காரணம்.

1. சீன அரசின் People's Daily அன்றாடம் இந்த ஒப்பந்தத்தை கரித்துக்கொட்டுகிறது
2. எங்களுக்கும் இது போன்ற ஒரு ஒப்பந்தம் வேண்டும் என்று முஷாரப் தினமும் கேட்பது

முஷாரப் பற்றி எழுதும் போது இன்னொன்று நினைவுக்கு வருகிறது. இந்த ஒப்பந்ததின் ஆரம்பகட்டத்தில் அவர் பாகிஸ்தானுக்கும் இது போன்ற ஒப்பந்ததை கோரி ஒரு மாற்று வழியையும் முன்வைத்தார்.

அதாவது அமெரிக்காவே தன்னுடைய ஆட்களை வைத்து அணுவுலைகளை நிர்மாணிக்கவேண்டும். அவர்களே மின்னுர்பத்தி செய்ய வேண்டும், மின்சாரத்தை மட்டும் பாகிஸ்தான் அரசுக்கு விற்க வேண்டும். இதுதான் முஷாரப் முன்வைத்த திட்டம்.

இந்திய அமெரிக்க பேச்சுவார்தையின் போது இந்த யோசனை முன்வைக்கப்பட்டதா என்று தெரியவில்லை.ஆனால் என்னைப் பொறுத்தவரையில் இது ஒரு சிக்கல் இல்லாத யோசனையாகவே படுகிறது.

இருக்கும் அணுவுலைகளை பிரிப்பது, யுரேனியம், எரிபொருள் மறுசுழற்சி, வெளிநாட்டு நிபுணர்களின் ஆய்வு, NSG நாடுகளை தாஜா செய்வது, IAEA வின் சிறப்பு ப்ரோடொகோல்கள் என்று எந்தச் சிக்கலும் இருக்காது. We could have thought about it or did we?

ராஜதந்திரி ரோனன் சென்

2007-08-24T12:14:00.000+05:30

இந்திய அமெரிக்க அணுசக்தி ஒப்பந்தத்தை எதிர்கட்சிகளும் இடதுசாரிகளும் தீவிரமாக எதிர்த்துக்கொண்டிருக்கும் போது, இதனை எதிர்பவர்களெல்லாம் "தலை இல்லாத முண்டம்" என்கிற ரீதியில் இந்திய தூதர் ரோனென் சென் கருத்து கூறியுள்ளார்.

பிஜேபி, சிபிஎம் என்று ஆளாளுக்கு அவரை பிடித்து எகிற ஆரம்பித்துளார்கள். இது எனக்கு நல்ல ராஜதந்திரமாகவே படுகிறது. இரண்டு வருடங்கள் பேசிப்பேசி போட்ட ஒப்பந்ததை குப்பையில் கடாச வேண்டும் என்ற இந்தக்கட்சிகளின் கோரிக்கை, இப்போது ரோனன் சென்னின் சீட்டைக்கிழிக்க வேண்டும் என்கிற அளவுக்கு இறங்கி வந்துள்ளது.

விவாத்ததை ஒரு உப்பு பெறாத விஷயத்தின் பக்கம் திருப்பிய ரோனென் சென் மற்றும் இந்திய வெளியுறவுத்துறை நல்ல ராஜதந்திரிகள் தான்.

பக்கத்து சீட்

2007-06-08T17:15:00.000+05:30

"வேர் இஸ் டெஸ்க் நம்பர் 22?" என்று கேட்டபடி என் சீட்டுக்கருகில் வந்தாள் அவள், ஐடி பெண்ணுக்கே உரிய ஸ்வரூபத்தில், கையில் செல்ஃபோன், அதே கையில் சிறிய கைக்குட்டை, தோளில் டிசைனர் ஹேன்ட்பேக் , இன்னொரு கையில் டப்பர்வேரில் சாப்பாடு , கூடவே இன்னொரு ப்ளாஸ்டிக் கவர். மென்மையான நிறத்தில் சுடிதார், துப்பட்டா, தலையில் ஒரே ஒரு க்ளிப், கழுத்தில் தொங்கிய அட்டை அவள் பெயர் ஸ்வப்னா என்றது. ஸ்வப்னா குமாரசாமி.

இடத்தை காமித்துவிட்டு கம்ப்யூட்டர் பக்கம் திரும்பினேன். கடந்த மூன்று மாதங்களில் அந்த இடத்துக்கு வரும் நான்காவது நபர், முதலில் அங்கிருத்தவன் என் பழைய ப்ராஜெக்ட் சகா தீபாங்கர் தத்தா. அவன் வேறு வேலைக்கு சென்ற பிறகு, வந்த மற்ற இருவரும் என் வேலைக்கு சற்றும் தொடர்பில்லாதவர்கள். அவர்கள் பார்த்த வேலை என்ன என்று கூட தெரியாது.

"ப்ரின்டர் எங்கிருக்கிறது ?", "ட்ராயெர் சாவி எங்கே கிடைக்கும்?", போன்ற பொதுவியல் பேச்சுக்களை தவிர அவர்களிடம் எதுவும் பேசியதில்லை. பெரிய கம்பெனி என்றாலே இப்படித்தான் போலிருக்கு.

நான் முன்பிருந்த சிறிய நிறுவனத்தில் இப்படி இருந்ததில்லை. செக்யூரிட்டி கோதண்டம் சார் முதல் டீ கொண்டுவரும் சங்கர் வரை எல்லோரையும் பெயர் சொல்லி அழைக்கும் அளவுக்கு அன்யோன்யம் இருந்தது. வேலைக்கிடையே பூர்வ மீமாம்ஸம் முதல் பார்க்கிங் பிரச்சனை வரை காரசாரமாக பேசுவோம். இங்கு அப்படி இல்லை, ப்ராஜெக்ட் சகாக்களை தவிர மற்றையோரிடம் எதையும் அதிகமாக பேசியதில்லை.

தீபாங்கர் போனவுடனேயே அங்கு வந்தவன் ஒரே வாரத்தில் போய்விட்டான், அப்புறம் வந்தவளின் பெயர் ரஷ்மிதா. அவளைப்பற்றி சொல்வதென்றால், அவளும் இந்த ஸ்வப்னாவைபோல் க்ளிப் போட்டிருந்தாள். ஆவ்வப்போது க்ளிப்பை கழற்றி தலையை சிலுப்பி மீண்டும் க்ளிப்பை போட்டுக்கொள்வாள், தினமும் ஒரு முப்பது முறையாவது இதனை செய்வாள்.

அடிக்கடி செல்பேசுவாள். சில சமயம் குறைச்சலாக இரைச்சலின்றி, சில சமயம் நீண்ட நேரம். அப்படித்தான் ஒருநாள், அதிக நேரம் உட்கார்ந்துக்கொண்டு செல் பேசியபடி இருந்தாள். லேசாக விசும்புவது தெரிந்தது. பைக்குள் கையை விட்டு டிஷ்யூவால் கண்ணை துடைத்துக்கொண்டாள்.

சில வாரங்களுக்குப் பிறகு சென்று அவள் ஈ மெயிலில் திருமண அழைப்பிதழ் அனுப்பிக்கொண்டிருந்தாள். என்னை அழைக்கவில்லை. அதனால் என்ன. நான் பக்கத்து சீட்டுக்காரன் தானே. பக்கத்து வீட்டுக்காரனயே இப்போதெல்லாம் வீட்டு விசேஷங்களுக்கு அழைப்பதில்லை. மாடு கன்றுபோட்டால் கூட பெயர் வைத்து ஊரோடு கொண்டாடி மகிழ்ந்த தமிழ் சமூகம்!

ஆபீஸ் வேலையாய் இரு வாரங்கள் வெளிநாடு போய்வந்தேன், பக்கத்து சீட் காலி. இப்போது இந்த ஸ்வப்னா. இவள் இந்த சீட்டிலிருந்து கிளம்பும் முன்பாவது நான் கிளம்பிவிட வேண்டும்.

"ஹாய்" என்று குரல் கேட்டது , திரும்பினால், கையில் திருப்பதி லட்டுடன் ஸ்வப்னா. "லட்டூஸ் ஃப்ரம் திருப்பதி" என்றவள். திடீரென "டூ யூ ஸ்பீக் தமிழ் ?" என்றாள்.

"ம், நானும் தமிழ்தான் ,புதுசா சேந்துருக்கீங்களா?" என்றேன்.

"டூ வீக்ஸ் ஆச்சு, ஓரியென்டேஷன்ல இருந்தேன், இனிமேல் தான் ஒர்க் ஸ்டார்ட் பண்ணணும்" என்று தமிழில் சொன்னாள்.

"இதுக்கு முன்னாடி நான் சென்னைல ஒரு சின்ன கம்பெனில இருந்தேன், ஸிக்மா டெக்னோ சொல்யூஷன்ஸ், ரொம்ப சின்ன இடம், முப்பது பேர் தான்" என்றவள், "வேலை எல்லாம் நல்லாதான் இருந்துது, இருந்தாலும் இன் எ பிக் கம்பனி வீ கேன் கெட் லாட் ஆஃப் எக்ஸ்போஷர், அண்ட் மீட் அ லாட் ஆஃப் பீப்பிள், அதனால தான் இங்க சேர்ந்தேன்" என்றாள்.

"ம்ம்ம், இப்போ எனக்கு ஒரு மீட்டிங் இருக்கு அப்றமா பேசலாம், லட்டுக்கு தாங்க்ஸ்" என்று சொல்லி கிளம்பினேன்.

விஜயகாந்தின் காமெடி

2007-05-24T09:41:00.000+05:30

'ஜனாதிபதி தேர்தலில் யாருக்கு ஆதரவு என்று இன்னும் முடிவு செய்யவில்லை' என்று விஜயகந்த் ஒரு பேட்டியில் சொல்லியிருக்கிறார்.

ஜனாதிபதி தேர்தலில் அவரிடம் இருப்பது ஒரே ஒரு ஓட்டு அதனை யாருக்கு போட்டால் என்ன , இல்லை போடாவிட்டால் தான் என்ன! ஜனாதிபதி பதவிக்கு ஆசைப்படுபவர்கள் வரிசையில் நின்று இவர்டம் ஆதரவு கேட்பது போலவும் , இவர் யோசித்து சொல்கிறேன் என்பது போலவும் பில்டப் கொடுப்பது , டூ மச்.

சினிமாவில் தனியொரு ஆளாக காஷ்மீர் வரை சென்று, பஞ்ச் டயலாக் பேசியபடியே பயங்கரவாதிகளை பந்தாடுவது மாதிரி ஜனாதிபதி தேர்தலையும் நினைத்துவிட்டார் போல.

ஒரு கதை நியாபகம் வருகிறது. மதுரை திருமலை நாயக்கர் மஹால் வாசலில் இரண்டு பிச்சைக்காரர்கள் பேசிக்கொண்டார்களாம்..

பிச்சை 1 : இந்த வருஷம் எப்படியாவது திருமலை நாயக்கர் மஹாலை வாங்கிடுவேன்.

பிச்சை 2 : உன்னால் முடியாது, நான் விற்பதாக இல்லை.

"ஜனாதிபதி தேர்தலில் உங்கள் ஆதரவு யாருக்கு? " என்கிற அபத்த கேள்வியை பேட்டியில் விஜயகாந்திடம் கேட்ட நிருபரை கண்டு காலில் விழுந்து வணங்க வேண்டும்.

இடதுசாரிக்கும் வலதுசாரிக்கும் என்ன வித்தியாசம்?

2007-04-03T19:42:00.000+05:30

சின்ன வயசுல எனக்கு இடதுசாரிக்கும் வலதுசாரிக்கும் வித்தியாசம் என்னன்னு தெரியாது, அப்பறம் ஓரளவு ஞானம் வந்ததும் புரிய ஆரம்பிச்சுது. ஆனா பாருங்க என்னுடைய புரிதல் தப்புன்னு இப்பதான் தெரிஞ்சுது. இந்த படத்த பாருங்க.

இவரோட பேரு டேவிட் கேமரூன், ப்ரிட்டிஷ் கன்ஸர்வேட்டிவ் கட்சி தலைவர், இவ்வளவு நாள் வலதுசாரியா இருந்த கட்சிய திடீர்னு இடதுசாரியா மாத்திட்டாரு, எப்படின்னு கேக்கறீங்களா, இந்த போட்டோவையும் பாருங்க.

டிஜிட்டல் கேமராவும் டூரிஸ்டுகளும்

2007-02-27T16:39:00.000+05:30

டிஸ்கி 1- இந்த பதிவு படமெடுப்பத்தை நல்ல பொழுதுபோக்காக கொண்டிருப்பவர்களையோ, அல்லது படமெடுப்பதில் ஆத்ம த்ருப்தி அடைபவர்களையோ கருத்திற்கொண்டு இடப்பட்டதல்ல.

டிஸ்கி 2- தலைப்பு தமிழில் இல்லாததால் இந்த பதிவிற்கு வரிவிலக்கு கிடையாது

குழுவாக சுற்றுலாசெல்லும் போது கண்ணால் காண்பதையெல்லாம் கேமெராவில் சுடும் அன்பர்களே,

நீங்கள் வைத்திருப்பதோ டிஜிட்டல் கேமரா, படம் எடுப்பதோ கட்டடத்தை, யாராவது ஒருவர் படமெடுத்தால் போதுமே ! பிறகு படங்களை மின்மடல் மூலமாகவோ ஃபோட்டோ ஷேரிங் மூலமாகவோ பரிமாறிக்கொள்ளலாமே!

அவ்வளவு ஏன், வரலாற்று முக்கியத்துவம் அல்லது முக்கிய சுற்றுலாத்தலங்களின் படங்கள் ஏற்கனவே அனேக முறை படமேடுத்தாயிற்று, பல படங்கள் இணையத்தில் இருக்கும், ஓசியில் கிடைக்கும், கூகிளாண்டவரின் அருளுடன் அவற்றைப்பெறலாம்.

ஆகவே கட்டங்களையோ மரம் செடி கொடிகளையோ படம் எடுப்பது வேஸ்ட்!

அதனினும் வேஸ்ட் பலபேர் டிஜிட்டல் கேமராவில் அவற்றை படமெடுப்பது.

படமெடுப்பது வேஸ்டெனில் கேமரா எதற்கு? நம் கையில் கேமரா இருப்பது மனிதர்களை படமெடுக்கவே, உடன் வரும் நண்பர்களையும் அன்பர்களையும் படமெடுத்தாலே போதும் என்பது இந்தச்சிறியோனின் அபிப்பிராயம்

நம்மை நிறைய படமெடுத்துக்கொள்வதிலும் ஏகப்பட்ட தர்மசங்கடங்கள் உண்டு, குறிப்பாக மென்படங்களை எவ்வளவு பிரதிகள் வேண்டுமானாலும் எடுக்கலாம் எனபதாலும் , அதனை வைத்து பல தில்லாலங்கடி வேலைகளை செய்யலாம் என்பதாலும் சற்று கவனம் தேவை.

பொதுவாக எனக்கு அவ்வளவாக் படமெடுத்துக்கொள்வது பிடிக்காது, அதனாலேயே இந்திவிற்க்கு வெளியே பல இடங்களிலும் இந்தியாவில் சில இடங்களிலும் நிலவும் CCTV பொருத்தும் போக்கை வெறுக்கிறேன், CCTV கேமராக்களை கண்ட இடங்களில் பொருத்துவதை எதிர்த்து போராட வேண்டும்.

பாதுகாப்புக்காரணங்கள் சொல்லப்பட்டாலும் , அவை ஏற்ப்புடையவை என்றாலும் சீக்கிரமே இதற்கு மாற்று கண்டுபிடிப்பது நலம். குறைந்தபட்சம் CCTV பொருத்துவதற்கான வரன்முறைகள், எவ்வளவு நாட்கள் படங்களை வைத்திருக்கலாம், படங்களின் சேமிப்பிற்க்கு தேவையான பாதுகாப்பு போன்றவற்றை ஒழுங்குபடுத்தவேண்டும். இதனை அரசாங்கம் செய்யாமல் IEEE, ISO போன்ற தொழில்முறை குழுக்கள் வரையறுக்கலாம்.

சவுதாம்டனில் பிடித்த ஏழரை

2007-02-07T22:43:00.000+05:30

வேலைக்காக வெளிநாட்டுப்பயணம் இந்த முரை ஐக்கிய ராஜ்ஜியத்தின் சவுதாம்டன் நகர். இந்தியாவிலிருந்து லன்டன் வரை ஜெட் ஏர்வேஸில் சொகுசு பயணம். லன்டனிலிருந்து டாக்ஸி.

சவுதாம்டன் வந்ததும் பிடித்தது சனி.
ஹோட்டல் அறையை முன்பதிவு செய்துவிட்டு வாடகைக்கு முன்பணம் கொடுக்க கம்பனி மறந்தால் அந்தப்பணத்தை நான் கட்டினேன். சமயம் பார்த்து கார்பரேட் கார்ட் மக்கர் செய்தது ஏடிஎம்மில் காசு எடுக்க முடியவில்லை, என் தனிப்பட்ட வங்கி கணக்கின் டெபிட் கார்ட் வேலை செய்ததால் பிழைத்தேன்.

அடுத்த நாள் கம்பனி நிர்வாகத்தை ஒரு பிடி பிடித்தபின் நிலைமை சீரடைந்தது. அடுத்த நாள் இந்தியாவிலிருந்து வரும் இன்னொரு நாபரிடம் பணம் தருவதாக சொன்னார்கள். அவர் பணத்தை பெட்டியில் வைத்து Check in செய்துவிட்டார். பெட்டியோ லன்டனில் கைக்கு வரவில்லை. அவருக்கும் சேர்த்து வடகையை செலுத்த வேண்டிய நிலைமை வந்தது. ஒருவழியாக 36 மணி நேரத்திற்க்குப்பின் பெட்டி கைக்கு வந்தது. கார்பரேட் கார்டும் வேலை செய்தது. சுபம்.

அலுவல் ரீதியாக குறைந்த காலத்திற்கு வெளிநாடு செல்பவர்கள் கம்பனி தரும் அந்நிய செலாவணி தவிர கொஞ்சமாவது சொந்தமாக அந்நிய செலாவணியைத் (கரன்ஸியாக) வாங்கிக்கொள்ளவும் . எங்கும் அலையவேண்டியது இல்லை. ஏர்போட்டிலேயே கிடைக்கும்.
சொந்தப்பெயரில் சர்வதேச கிரெடிட் (அதிக அளவு லிமிட்டுடன்) மற்றும் டெபிட் கார்டுகளை எடுத்துச்செல்லவும்.ஹோட்டல் வாடகை மற்றும் டாக்ஸிக்கு ஏற்கனவே பணம் செலுத்தப்பட்டிருக்கிறதா என்று சரி பார்க்கவும். இல்லை அதற்க்கும் சேர்த்து அட்வான்ஸ் வாங்கவும். குறிப்பாக பணத்தை பெட்டியில் வைக்காதீர்கள். கொஞ்சம் லோ டெக் காக தெரிந்தாலும் பணத்தை கரன்ஸியாகவோ, ட்ராவல்லெர்ஸ் செக்காகவோ எடுத்துச்செல்லவும். ஏனென்றால் ட்ராவல் கார்ட் போன்ற அஃறிணைப்பொருட்கள் சமயம் பார்த்து கழுத்தறுக்ககூடியவை என்பதை அனுபவதில் கண்டேன்.

பெரிய திருமொழி - தமிழாக்கம் (?!)

2007-01-16T15:32:00.000+05:30

பெரிய திருமொழி உரையும் தமிழாக்கமும் என்ற நூலின் தலைப்பில் சொற்குற்றம் ஒன்றும் இல்லை. ஒரே ஒரு விஷயம் தான் இடிக்கிறது, திருமங்கை ஆழ்வார் பெரிய திருமொழியை தமிழில் தான் இயற்றியுள்ளார். மேற்படி நூல் 30வது சென்னை புத்தக கண்காட்சியில் தஞ்சை தமிழ் பல்கலைக்கழகத்தின் ஸ்டாலில் உள்ளது. அட்டையை பார்த்தால் ஏதோ தீஸீஸ் போல இருந்தது.

என்னத்த தமிழாராய்ச்சிப் பண்ணி என்னத்த...

வழக்கம் போல இந்த ஆண்டும் எந்த புத்தகம் வாங்காமல், வெறுங்கை வீசுபவர்களை நிரம்பக்காணமுடிந்தது. டெக்னிகல் புத்தகங்களை விற்கும் நிலையங்களில் கூட்டம் அலைமோதிற்று. வாஸ்து, சோதிடம், சமையல் புத்தகங்கள் இந்த ஆண்டும் வசூலில் பட்டையை கிளப்பும் என்பதென் அசைக்க முடியாத நம்பிக்கை.
புத்தக கண்காட்ச்சியைப்பற்றி என் நண்பன் தீபக் எழுதியத்தை படிக்கவும்.

உபி தேர்தல் முன்னோட்டம்

2007-01-10T13:42:00.000+05:30

அஜீத் சிங் , அகில இந்திய ஆயாராம் காயாராம் அரசியலில் ஒரு முக்கிய புள்ளி, அந்தர் பல்டி அடித்து கூட்டணி மாறுவதில் நிபுணத்துவம் வாய்ந்தவர்.
தற்போது உபி தேர்தல் நெருங்கும் சமயம் என்பதால் தன் கூட்டணி வாய்ப்புகளை திறந்து வைக்க முலாயாம் அமைச்சரவைலிருந்து தன் கட்சி அமைச்சர்களை ராஜினாமா செய்ய வைத்துள்ளார்.விவசாயிகளிடம் கொள்முதல் செய்யப்படும் கரும்பு விலையை அதிகரிக்கக்கோரி ராஜினாமா என்று கிச்சு கிச்சு மூட்டியுள்ளார்.
மறைந்த சரண் சிங்கின் மகன் என்ற ஒரே தகுதியுடன் இவர் அரசியல் நடத்துகிறார். வி பி சிங்க்கின் ஜனதா தளம் தொடங்கி, சந்திர சேகர் , நரசிம்ம ராவ், தேவ கவுடா, என்று பல மத்திய அமைச்சரவைகளில் அங்கம் வகித்து பதவி பெற்றார்.
பின்பு மாயாவதி , முலாயம் ஆகியோரிடம் மாறி மாறி தன் கட்சியை அடகு வைத்து அமைச்சர் பதவியை பெற்றார். இந்த தேர்தலில் முலாயம் தேருவது கடினம் என்று பரவலாக நம்பப்படுவதால் கூட்டணியிலிருந்து கழண்டுகொள்ள முதல் படியாக கரும்பு விவசாயிகளுக்காக குரல் கொடுக்கிறார். வாழ்க.

கொள்கைப் பித்து

2006-12-16T16:06:00.000+05:30

கொள்கைக்காக மாண்டவர் உண்டு , கொள்கைக்காக வாழ்வின் பல இன்பங்களை தொலைத்தவரும் உண்டு ஆனால் கொள்கையை கடைபிடித்து அதனால் இன்பம் பெற்று வாழ்ந்தவர் உண்டா?

ஒருவரிடம் போய் ஒரு குறிப்பிட்ட விஷயத்தில் ஏன் இந்த நிலைப்பாட்டை எடுக்கிறீர்கள் என்று கேட்டால் "இது என் கொள்கை" என்பார். ஏன் இந்த கொள்கையை கொண்டுள்ளீர்கள் என்று கேட்டால் 'இது சிறந்ததாக எனக்குப் படுகிறது' என்று சொல்வார். அதாவது அவருடைய ரசனை அது, ஒருத்தருக்கு இனிப்பு பிடிக்கும், இன்னொருவருக்கு காரம் பிடிக்கும் , இனிப்பு பிரியரிடம் போய் உனக்கேன் காரம் பிடிக்கவில்லை என்று சண்டை போட முடியாது. மாற்றுக்கொள்கை கொண்டவரும் அது போலத்தான். கொள்கைக்காக சண்டைபோடுவது வீண்வேலை.

'என்று மடியும் எங்கள் அடிமையின் மோகம்' என்கிறார் பாரதியார். அதாவது அடிமைத்தனம் நம்மீது திணிக்கப்படும் ஒன்று , அந்த அடிமைத்தனத்தயே மோகித்திருப்பது அதனினும் கீழான இழிநிலை.

இதனைவிட இழிவான நிலை தானே விரும்பி அடிமையாகி அந்த அடிமைத்தனதை மோகித்திருப்பது. தனக்குத் தானே செய்துகொள்ளும் அடிமைத்தனம் கொள்கைக்கு அடிமையாவது, போதை பொருட்களுக்கு அடிமையாவது போன்றவை. இந்த நிலையை மோகித்திருப்பதால் இதிலிருந்து விடுபடுவது கடினம். விடுபடுவது நலம்.

அதற்காக கோட்பாடற்று மிருகம்போல் திரிய வேண்டியதில்லை.
கொள்கை உப்பைப்போன்றது , அது இல்லாவிட்டால் வாழ்வு ருசிக்காது, அதிகமகவும் இருக்கக்கூடாது.

சங்கீத சீசன் சந்தேகம்

2006-12-05T09:19:00.000+05:30

சங்கீத சீசன் துவங்கப்போகிறது,
'தமிழில் ஏன் பாடுவதில்லை' போன்ற கேள்விகள் இந்த வருஷமும் வரும். வரட்டும்.

நான் சொல்ல வந்த விஷயமே வேறு.
சில சபாக்கள்ளிலும் டிவி யில் வரும் மார்கழி மாச ஸ்பெசல் இசை நிகழ்ச்சிகளிலும் இரண்டு பாட்டுக்கு நடுவே ஆடியன்ஸ் கேட்கும் கேள்விக்கு பதில் சொல்லும் சடங்கு நடைபெறும்.

நான் 3 - 4 வருஷமாக பார்க்கிறேன், ஆண் இசை வல்லுனர்கள் தமிழில் கேட்க்கப்படும் கேள்விக்கு தமிழில் பதில் அளிப்பார்கள். பெண்பாடகிகளிடம் தமிழில் கேள்வி கேட்டாலும் பீட்டர் பாஷையில் "திஸ் ராகா இஸ்" என்று ஆரம்ப்பித்து ஜல்லியடிப்பார்கள். சில விதிவிலக்குகள் உண்டு ( அருணா சய்ராம் சௌம்யா இருவரும் நல்ல தமிழில் பதில் அளிப்பார்கள்). முன்பு சுப்புடு அவர்கள் ஒரு பெண் கலைஞரை "அவர் ஏப்பம் கூட ஆங்கிலத்தில் தான் விடுவார்" என்று குறிப்பிட்டார்.

பொதுவாக, பெண் பாடகிகளுக்கு இப்படி ஒரு ஆங்கில மோகம் ஏன்?

சோதனை மேல் சோதனை

2006-11-30T15:41:00.000+05:30

வாழ்க்கையில் சோதனை இருக்கலாம், ஆனால் சோதனையே வாழ்க்கையாக சிலருக்கு அமைகிறது.

ஜான் லய்ன் , இவர் இங்கிலாந்தில் வசிப்பவர். இவருக்கு இதுவரை 17 விபத்துக்கள் நேர்ந்துள்ளது (கின்னஸ் சாதனையானு தெரியல) .

இவரை இரண்டு முறை மின்னல் தாக்கியுள்ளது, 3 முறை கார் விபத்தில் சிக்கியிருக்கிறார், ஒரு முறை தண்ணீரில் முழுகியிருக்கிறார். ரீசன்டாக வடிவேல் ,விவேக் ஸ்டைலில் சாக்கடையில் விழுந்ததில் எலும்பு முறிந்துள்ளது.

அன்னாரை பற்றிய தகவல்களுக்கு.

பட்ட காலிலேயே படும் கெட்ட குடியே கெடும் என்ற பழமொழி இப்போதுதான் உறைக்கிறது.

In Spite of the gods - புத்தக விமர்சனம்

2006-11-27T13:38:00.000+05:30

இதை எழுதிய Edward Luce, 5- 6 ஆண்டுகளாக இந்தியாவில் வசிக்கும் ஒரு ஆங்கில நிருபர் (Financial Times)

அரசு அதிகாரிகள், சாதி மத அரசியல், குடும்ப அரசியல், காலம்தாழ்த்திக் கழுத்தறுக்கும் நீதிமன்றங்கள், ஊழல், உள்கட்டமைப்பு குறைபாடு, வறுமை, படிப்பறிவின்மை போன்றவற்றை எல்லாம் மீறி இந்தியா எப்படி வளருகிறது என்பதனை பற்றிய புத்தகம்.

நகரங்களுக்கு பெருமளவு குடிபெயர்ந்தாலும் இந்தியர்களுக்கு கிராமங்கள் மீது இருக்கும் தணியாத காதலையும். நகரங்களில் இடக்கரடக்கலாக தொடரும் சாதி அமைப்பையும். புதிய தலைமுறை பணக்காரர்கள் திருமணம் போன்ற விசேஷங்களுக்கு பணத்தை வாரி இரைப்பதையும் இவற்றுக்கு நடுவே கோர முகம் காட்டும் வறுமையையும் பெண்சிசுக்கொலைகளையும் , எய்ட்ஸ் தாக்குதலையும் அருமையாக படம் பிடித்து காட்டியுள்ளார்.

நாட்டில், அர்த்தமற்ற பல வணிக கட்டுப்பாடுகளையும் வரிகளையும், ஊழல் செய்ய ஒரு வாய்ய்பாக கருதி , அதிகாரிகள் தளர்தாமல் விட்டு வைத்திருப்பதையும், அதனால் ஏற்படும் தொழில் வளர்ச்சி பாதிப்பையும் உதாரணங்களுடன் அழகாக குறிப்பிடுகிறார்.
இந்திய கோர்ட்களில் நடக்கும் வழக்குகளால் முடங்கியிருக்கும் சொத்து சுமார் 35,000 கோடியாம்.

அரசியலைப் பொறுத்தவரை இந்திய அரசியல்களத்தை காங்கிரஸ் , பாஜக, மற்றும் பிராந்தியக்கட்சிகள் என்று பிரித்து அலசி கூறப்பட்டுள்ளது. இடதுசாரிகளை பற்றி அவ்வளவாக இல்லை.

இந்திய முஸ்லிம்களின் பிரச்சனைகளை காஷ்மீருடன் சம்பத்தப்படுத்தி சொதப்பிவிட்டார். ஆனால் முஸ்லிம்களின் சமூக பொருளாதார பிரச்சனைகளை ஓரளவு எழுதியிருக்கிறார்.

சில factual errors, உதாரணம், வைசியர்களை நாடாளும் சாதி என்று குறிப்பிட்டு 3- 4 முறை தவறாக வந்துள்ளது. இறுதி அத்தியாயத்தில், இந்திய அரசு என்ன செய்ய வேண்டும், காங்கிரஸ் என்ன செய்ய வேண்டும், பாஜக என்ன செய்ய வேண்டும், என்று ஏகத்துக்கும் அட்வைஸ் மழை. இதை தவிர்த்திருக்கலாம். நாட்டின் இன்னொரு பிரச்சனையான தீவிரவாதத்தைப் பற்றியும் பெரிதாக ஒன்றும் எழுதப்படவில்லை.

தற்கால இந்தியாவை பற்றி ஒரு நல்ல புத்தகம். படிக்கலாம்.

டிஸ்கி. ஜெயலலிதாவை புகழ்ந்து சில வரிகள் வருவதால் திராவிட அன்பர்கள் இதை தவிர்ப்பது நலம்.

கோர்ட்டில் தமிழ்

2006-11-23T09:34:00.000+05:30

ஐகோர்ட்டில் வழக்கு மொழியாக தமிழை அறிமுகப்படுத்த அரசு முடிவிசெய்துள்ளது.
வரவேற்ப்போம். சட்ட சம்பந்தப்பட்ட கோப்புகள் அங்கில அறிவுடையவர்களுக்கே கூட எளிதில் புரியாது, ஒரே gobbledygook ஆக இருக்கும். ஆது போல் கடினமான உரைநடை தமிழில் இல்லாமல் பழகு தமிழில் இருந்தால் இந்த முயற்சி வெற்றி பெரும்.

ஆனால் இது நடக்காது என்று தான் நான் நினைக்கிறேன். வழக்கு நடவடிக்கை பொதுமக்களுக்கு புரியாதவரை தான், வக்கீல்கள் தேவையற்ற சட்டச்சிக்கல்களை எழுப்பி , காலத்தை கடத்தி, பணம் கறக்க முடியும்.

:-)

தெய்வங்களையும் மீறி.

2006-11-21T10:09:00.000+05:30

எட்வர்ட் ல்யூஸ் எழுதிய "இன் ஸ்பைட் ஆஃப் காட்ஸ்" படித்து வருகிறேன். இந்திய அரசின் செயல்பாடுகளை பற்றி நகைச்சுவையுடன் விரிவாக எழுதியிருக்கிறார்.

2000 ம் ஆண்டு மத்திய இரும்பு அமைச்சகத்திடம் இருந்து ஒரு அவசர மகஜர் நிர்வாக சீர்திருத்தத்துறைக்கு சென்றது , விஷயம் என்ன வென்றால் , துறை அதிகாரிகள் கோப்புகளில் நீலம் அல்லது கருப்பு நிறத்தில் எழுதவேண்டுமா இல்லை பச்சை / சிகப்பு நிறத்தில் எழுத வேண்டுமா என்ற சந்தேகத்தை போக்குமாறு சீர்திருத்தத்துறையிடம் கேட்டிருந்தது.

நிர்வாக சீர்திருத்தத்துறை அதிகாரிகள் ஒரு குழு அமைத்து 3 வாரம் பேசி , இந்த விஷயத்தில் பர்சனேல் துறையிடம் கருத்து கேட்க முடிவு செய்தனர்.

பர்சனேல் துறை இன்னொரு கமிட்டி அமைத்து 6 வாரம் பேசி, விஷயத்தை பயிற்சித்துறையிடம் கொண்டு சென்றது.

அவர்கள் மேலுமொரு குழு அமைத்து 3 மாதம் பேசி , முதல் முறை எழுதும் போது நீல/கருப்பு பேனாவிலும் திருத்தங்களை செய்யும் போது பச்சை/சிகப்பு பேனாவிலும் எழுதலாம் என்று கருத்து சொன்னது.

எந்தெந்த அதிகாரிகள் பச்சை/சிகப்பு பேனாவில் எழுத "தகுதி" வாய்ந்தவர்கள் என்று கண்டறிய ஒரு குழு அமைக்கப்பட்டு, சில குறிப்பிட்ட "க்ரேட்" அதிகாரிகள் மட்டும் பச்சை/சிகப்பு பேனாவில் திருத்தங்கள் செய்யலாம் என்று வரையறுக்கப்பட்டது.

அன்று முதல் இந்தியாவில் இருந்த வறுமை , பசி, வேலையின்மை எல்லாம் நீங்கி சுபிட்சம் பிறந்தது.

பஸ்களில் பொன்மொழிகள்

2006-11-13T11:14:00.000+05:30

அரசு பஸ்களில் கலைஞரின் பொன்மொழிகளை எழுதியது பிரச்சனை ஆகியுள்ளது.

'நான் நீ நாம்' போன்ற பொன்மொழிகளை விட இந்த மாதிரி பொன்மொழிகள் எழுதினால் சிக்கல் இருக்காது.

சரியான சில்லரை கொடுத்து டிக்கட் கேட்டு வாங்கவும். - கலைஞர்

திரும்பும் முன் சிக்னல் செய்யவும் - கலைஞர்

புகை பிடிக்காதீர் - கலைஞர்

கரம் சிரம் புறம் நீட்டாதீர் - கலைஞர்

நிறுவனங்கள் செய்வது நில அபகரிப்பா?

2006-11-10T14:28:00.000+05:30

இந்தியாவின் சிறந்த நிறுவனங்களாக கருதப்படும் இன்போசிஸ் விப்ரோ போன்ற நிறுவனங்கள், மாநில முதல்வர்களை பார்த்து 500 ஏக்கர் நிலம் வேண்டும் , 700 ஏக்கர் நிலம் வேண்டும் என்று கேட்பது அன்றாட வாடிக்கையாக போய்விட்டது .

இது தவிர, இப்போதெல்லாம் சிறப்பு பொருளாதார மண்டலம் SEZ என்ற கூத்து வேறு , இது பற்றி வேறு பதிவில்.

ஒரு கேள்வி, சுலபமான கேள்வி தான் , 200- 300 ஏக்கர் நிலத்தை என்ன செய்யப்போகிறாகள்? இந்திய நிறுவனங்கள் தங்களை தொழில்நுட்பத்தில் சூரப்புலிகள் என்று கருதிக்கொண்டிருக்கின்றன , அந்த tech savvy தனந்தை கட்டடக்கலையிலும் காட்டலாம்.

1 இலட்சம் பேர் வேலை செய்ய வசதியாக ஐந்து 20 மாடி கட்டிடங்களை கட்டினால் போதும், 20 - 25 ஏக்கரில் வேலை முடிந்துவிடும். பெங்களுர் ITPL வெறும் 70 ஏக்கரில் சிறப்பாக இயங்குகிறது. 20 லட்சம் சதுர அடிக்கு கட்டிடம் இருக்கிறது. சுலபமாக 20000 பேரை தாங்கும்.

இப்படி எளிய வழி இருக்கையில் ஏன் நூற்றுக்கணக்கான ஏக்கர் நிலம் கேட்கிறார்கள் ?
பலர் சொல்வது போல் கம்பனிகள் நில அபகரிப்பில் (land grab) ஈடுபட்டுள்ளனவா?

பிகு.

இது சில்வர் ஜூபிலி பதிவு. 25 பதிவு போட்டுட்டேன்.

யார் குற்றம்?

2006-11-09T12:34:00.000+05:30

டெல்லியில் குடியிருப்பு பகுதிகளில் கடைகளை மூடி சீல் வைக்க கோர்ட் சொல்லியபின் பலமான போராட்டம் நடக்கிறது. நமக்கு இந்த விஷய்தில் எந்த ஸ்டேக்கும் இல்லாததால் தெளிவாக பார்க்க முயற்சிப்போம்.

டெல்லி மாஸ்டர் ப்ளான் படி சில இடங்களில் வெறும் குடியிருப்புக்கள் தன் இருக்க வேண்டும். கடைகள் வணிக வளாகங்கள் கூடாது. காலப்போக்கில் யாரும் கண்டுகொள்ளாமல் (அல்லது கண்டும் காசு வங்கிக்கொண்டு) விட்டதால் கடைகள் பெருகின. சில கடைகள் 30 ஆண்டுகளாகக் கூட நடக்கின்றன. பலர் விற்பனை வரி, வாட் என்று பல வரிகள் கூட கட்டியுள்ளனர்.

யாரொ ஒருவர் ஒரு பொது நல வழக்கு போட்டதால் , கோர்ட் கடைகளை மூட உத்தரவிட்டுள்ளது.

இதற்கு முழு பொறுப்பு அரசாங்கமும், அரசு ஊழியர்களும் தான், கடைகளை கட்டும் போதே தடுக்கத்தவறிய அதிகாரிகளையிம், ஊழியர்களயும் கைது செய்து , வழக்குத்தொடரவேண்டும். அவர்களின் வேலையை பறிக்க வேண்டும்.

முறையான அனுமதியின்றி கட்டடங்கள் கட்டப்படும் போது கம்மென்று இருந்துவிட்டு கோர்ட் சொன்ன பிறகு இடித்துதள்ளுவது வெறும் பம்மாத்து வேலை. ஒவ்வொரு வார்டிலும் உள்ள அதிகாரிகள் தங்கள் பகுதியில் முறையின்றி கட்டடங்கள் கட்டப்படுகிறதா என்று கண்காணிக்க வேண்டும் என்று விதியே இருக்கிறது . அப்படி ஏதாவடு கட்டப்பட்டால் தடுக்க வேண்டும் .

இவ்வாறு அவர்கள் பணியை செய்ய தவறிவர்களை கைது செய்தால் என்ன?

உங்கள் அறிவுக்கு சவால்!

2006-11-06T14:48:00.000+05:30

பெங்களுரின் பிக் FM எனப்படும் ஒரு அற்புத பண்பலை அலைவரிசையில் பல அறிவுப்பூர்வமான கேள்விகளை கேட்கிறார்கள்.

உதாரணம் , வீரேந்தர் சேவாக்கின் ஃபர்ஸ்ட் நேம் என்ன,
1 ராகுல் 2 சச்சின் 3 யுவராஜ் 4 வீரேந்தர்

மசால் தோசையின் உள்ளே இருப்பது என்ன
1. வெண்டைக்காய் 2. உருளை 3. கத்திரிக்காய்.

இந்த கேள்விகளை பார்க்கும் போது முன்பு சன் ம்யூஸிக்கில் இரவு 9 மணிக்கு ஹேமா சின்ஹாவின் கேள்விகள் நினைவுக்கு வருகிறது,

ஹேமா சின்ஹா - `0` வை கண்டுபிடித்தது யாரு?
நேயர் - க்ளூ குடுங்க
ஹேமா சின்ஹா - நம்ம நாட்டுக்காரங்களை இப்படி அழைப்பார்கள்
நேயர் - இந்தியர்கள்
ஹேமா சின்ஹா - சரியான பதில்

ஹேமா சின்ஹா - கல்லை தின்னும் பறவை எது?
நேயர் - க்ளூ குடுங்க
ஹேமா சின்ஹா - நெருப்புனு ஆரம்பிச்சு ழினு முடியும்.
நேயர் - நெருப்புக்கோழி
ஹேமா சின்ஹா - சரியான பதில்

ஹேமா சின்ஹாவிற்க்காக ஒருவர் வலைப்பூ வேற ஆரம்பிச்சிருக்கார், அவர் விருப்பம் நிறைவேற வாழ்த்துக்கள். படத்தை அவரிடமிருந்து தான் சுட்டேன்.

டெலி மார்கெட்டிங் சமாளிப்பு ஐடியா இலவசம்

2006-11-02T15:09:00.000+05:30

டெலி மர்க்கெட்டிங் தொடர்பாக டோண்டு அவர்கள் எழுப்பிய கேள்விகள் digress ஆகி விவாதம் எங்கோ சென்றது, டெலி மார்கெட்டிங் ஒரு எரிச்சலூட்டும் விஷயம் என்ற பூர்வ பக்ஷம் மறக்கடிக்கபட்டுள்ளது.

'உங்களுக்கு வீட்டு லோன் வேண்டுமா?' என்று போனில் கேட்கிறார்கள், வீடு வாங்குவது பெரிய விஷயம்.
வீடு வாங்குபவர் அதற்கு வேண்டிய பணத்தேவைகள் , கடன் கொடுக்கும் நிறுவனங்கள், வட்டி விகிதம், இன்ன பிற சமாச்சாரங்களை கணக்கிட்டு தான் அடுத்த அடியை எடுத்து வைப்பார்.

'லோன் வேண்டுமா ?' என்று போன் வருகிறதே சரி வீடு வாங்குவோம் என்று யாரும் முடிவெடுப்பதில்லை. பிறகு ஏன் வீணாக போன் செய்கிறார்கள்.

இன்சூரன்ஸ் , கார் லோன் , போன்றவையும் நெடு நாளைய திட்டங்கள் ஆதலால் ஒரு போனுக்கெல்லாம் யாரும் மசிய மாட்டார்கள்.

சமீபத்தில் ஒரு ருசிகர சம்பவம் நடந்தது , டாக்டர் ராதகிருஷ்ணன் சலையில் உள்ள ஒரு சிறிய ஐஸ்க்ரீம் கடையில் மதியம் 2 மணிஅளவில் இரு ட்ராபிக் போலீஸ்காரர்கள் ஓய்வு எடுத்துக்கோண்டிருந்தனர்.

அப்போது ஒருவரின் செல்பேசிக்கு ஒர் டெ.மா. கால் வந்தது , கடுப்பான போலிஸ்காரர் 'இவ்வளவு நேரம் வெய்யில்ல இருந்துட்டு கொஞ்சம் உக்காந்தா இப்டி போனா பண்றிங்க' என்று துவங்கி அவருக்கு தெரிந்த அனைத்து கெட்ட வார்த்தை ப்ரயோகங்களையும் செய்து முடித்தார்.

டெலி மார்கெட்டிங் உபத்திரவங்களை சமாளிப்பதற்காக நான் ஒரு எளிய உபாயம் வைத்துள்ளேன்.

வீட்டு லோன் , கார் லோன், க்ரெடிட் கார்ட், க்ள்ப் மெம்பர்ஷிப் போன்ற எந்த போன் வந்தாலும் , 'நான் அடுத்த வாரம் அமெரிக்கா போறேன் , திரும்பி வர 6 மாசம் ஆகும் , அப்புறம் பாக்கலாம்' என்று ஒரே போடாக போட்டு விடுவேன் .
அவர்கள் அப்பீட் ஆகிவிடுவார்கள்.

ஆகவே வலையுலக தமிழ் நண்பர்களே , உங்களுக்கு ஒரு சூப்பர் ஐடியா கொடுத்துள்ளேன் . வேறு யோசனை இருந்தால் பின்னூட்டமாக இடுங்கள்.

கார்காலத்தில் கார் ஓட்டுவது

2006-10-31T11:55:00.000+05:30

சென்னை மழையை பற்றி தீபக் எழுதிய பதிவை பார்த்ததும் இதை எழுத தோன்றியது. மழை பெய்தால் சென்னையில் என்னை போன்ற கார் ஓட்டிகளுக்கு ஜாலி . பைக் ஆசாமிகள் குறுக்கே வரமாட்டார்கள் , நிம்மதியாக வண்டி ஓட்டலாம். மழை இல்லத போது என்ன தான் நாம் சொகுசு வண்டியில் குளு குளு என்று போனாலும் , பொசுக் பொசுக் என்று சந்தில் புகுந்து விர்ரென பறக்கும் பைக்குகளை பார்த்தால் கொஞ்சம் தாழ்வுமனப்பான்மை ஏற்ப்படும் . மழையில் பைக்காரர்கள் வண்டியை ஓரம்கட்டி பெட்டிகடை, பஸ்ஸ்டாப் என்று ஒதுங்குவதை சாடிச புன்னகையுடன் பார்த்துக்கொண்டு தண்ணீரை இருபக்கமும் வாரித்தெளித்தப்படி போகும் போது கிடைக்கும் திருப்தியே தனி தான். இதெல்லாம் மழை விடும் வரை தான், மழை விட்டவுடனே ஓரம்கட்டிய எல்லா பைக்குகளும் ரோட்டில் ஆஜர் ஆகி கர் புர் என்று சத்தம் போட்டபடி ட்ராபிக் ஜாம் ஆக்குவார்கள். கார் ஓட்டிகள் மழை பலமாக அடித்துக்கோண்டிருக்கும் போது கிளம்பிவிடவேண்டும் , சீக்கிரம் போய்விடலம். மழை விட்டுதோ போச்சு . பயணம் நாஸ்தி தான்.

தோசை போஸ்ட் மார்டம்

2006-10-31T09:45:00.000+05:30

பெங்களுர் ஸ்டைல் சாப்பாடு போர் அடித்ததால், சென்னை சரக்கு சாப்பிட CMH ரோட்டில் உள்ள அடையார் ஆனந்த பவன் போனேன். அங்கே ஒரு யுவனும் யுவதியும் ஒரே தோசையை ஒரே தட்டில் காதலுடன் சட்னி கசிந்துருக சாப்பிட்டனர், ஒரே இளநீரில் இரன்டு ஸ்ட்ரா ஒரே கூல் ட்ரிங்க்கில் இரண்டு ஸ்ட்ரா என்று காதல் காட்சிகளை பார்த்த எனக்கு இது கொஞ்சம் வித்தியாசமாக இருந்தது . ஒரு விசேஷம், இருவரும் தோசையை ஸ்பூனால் சாப்பிட்டனர் , ஆளுக்கு இரண்டு ஸ்பூன், அதில் ஒரு ஸ்பூனால் தோசையை தட்டோடு அழுத்தி இன்னொரு ஸ்பூனால் கொஞ்சம் சாம்பாரை அபிஷேகம் செய்து , ஸ்புனால் ரம்பம் போல் ராவி தோசையை பிட்டு உள்ளே தள்ளினர்.
முறுகல் தோசையை செத்த பிணம் போல் போஸ்ட் மார்டம் செய்தது தோசை பிரியனான என்னை கடுப்பேற்றியது.
சாப்பிடும் முறை தெரியாமல் பல உணவுகளை ஆர்டர் செய்து சொதப்புவது இந்தியர்களுக்கு கைவந்த கலை.

அதிலும் சில அமெரிக்க ரிட்டர்ன் தேசிக்கள் வடை சாப்பிடுவதை பார்க்க சூப்பராக இருக்கும் . வடையை அப்படியே சாம்பாரில் தோய்த்து கடிப்பார்கள் . டீக்குள் பிஸ்கட் தோய்த்து சாப்பிடுவதைப்போல. கண்றாவி.

-----------
சனி பெயர்ச்சி "குரு" பெயர்ச்சி போல ராமதாஸ் கூட்டணி பெயர்ச்சி நடக்கும் போல இருக்கிறது. திமுக பச்சை துரோகம் செய்துள்ளது என்று சொல்கிறார். பச்சை அதிமுக கலர். திமுக மஞ்சள் துரோகம் மட்டுமே செய்யும்.

இது கொஞ்சம் Hilarious

2006-10-30T13:45:00.000+05:30

நேற்று காலை கம்பனி கெஸ்ட் ஹவுசில் இருந்து நண்பன் வீட்டிற்க்கு குடி மாறினேன், 6 மணிக்கு எழுந்த பிறகு ரெடியாக வேண்டி ஷேவிங் செய்ய ப்ரஷ்ஷில் க்ரீமைத்தடவி முகத்தில் தேய்த்தேன் , ஒரு நறுமணம், என்ன இது இப்படி ஒரு மணம் வீசுதே என்று பார்த்தால், நான் ப்ரஷ்ஷிலிட்டது ... அட டூத்பேஸ்ட்.

Orkut குழுக்கள்

2006-10-13T18:37:00.000+05:30

ஒர்குட்' ல் எது எதற்கெல்லாம் குழு அமைப்பது என்று ஒரு வரன்முறையே இல்லாமல் போய்விட்டது .
பள்ளி / கல்லூரி பஸ்ஸில் ஒரு குறிப்பிட்ட தடத்தில் செல்பவர்கள் கூட குழு ஆரம்பித்து விட்டார்கள்,

அதான் தினமும் ஒரே பஸ்ஸில் ஒண்ணா போறங்களே அப்பவே பேசிக்கலாமே , இவங்களுக்கு எதுக்கு ஒர்குட் குழு?

இது ஒரு ஒர்குட் குழுவே இல்ல அப்படினு ஒரு குழு (ஆய்யோ சாமி!! தாங்க முடியலடா!)) இருக்கு (This is not an orkut commmunity) .

ஒர்குட்ல சிலபேர் நூத்துக்கணக்கான குழுவில உறுப்பினரா இருக்காங்க, எல்லா குழுவில நடக்கற எல்லா த்ரெட் டையும் எப்படி பாப்பாங்க? படிப்பாங்க? இல்ல சும்மாவாச்சும் மெம்பர் ஆகி பிலிம் காட்டுறாக்களா?

நிறைய குழுவில் உறுப்பினராக இருப்பவர்களுக்கு (Member of Too many communities) ஒர் தனி குழு வேற இருக்கு (அட தேவுடா) .

ந்யூமெராலஜி என் அனுபவம்

2006-10-12T10:20:00.000+05:30

ந்யூமெராலஜியை பற்றிய முந்தய பதிவில் சில கேள்விகளை எழுப்பியிருந்தேன். இந்தப்பதிவு சோதிடப்பித்து மக்களை எப்படி பிடித்துக்கொண்டு ஆட்டுவிக்கிறது என்பதை பற்றிய என் சொந்த அனுபவம்.
நான் +2 படித்த போது, எங்கள் பள்ளியில் ஒரு அறிவியல் கண்காட்ச்சியை நடந்தது, நானும் என் நண்பன் பாஸ்கரும் கொஞ்சம் கணிணி ஆர்வம் கொண்டத்வர்கள் அதனால் கணிணி அறிவியல் ஆசிரியை திருமதி கவுரி அவர்கள் எங்களை ஏதாவது ஒரு திட்டத்தை செய்யச்சொன்னார்கள்.
நாங்கள் சில நாட்கள் யோசித்து விட்டு ஒரு ந்யூமெராலஜி செயலியை செய்ய முடிவு செய்தோம்.

ஒரு "எண் கணித மேதை" எழுதிய புத்தகம் கிடைத்தது. அதை வைத்து பெயர், பிறந்த நாள் இத்யாதிகளைகொடுத்தால் பலன்களைச்சொல்லும் வகையில் ஒரு நிரலை உருவாக்கினோம்.
ஆப்போதய (1996) கம்ப்யூட்டர்களில் GUI கூட கிடையாது, நாங்கள் ஒரு Monochrome Monitor உதவி கொண்டு BASIC மொழியில் ஒரு நிரல் எழுதினோம்.

செயலி நன்றாக வேலை செய்தது. மற்ற மாணவர்கள் சில நல்ல செயலிகளை செய்திருந்தார்கள் . இந்தியாவின் அனைத்து ஊர்களை பற்றிய குறிப்புகளை வரைபடத்துடன் காட்டும் ஒரு நிரல், அறிவியல் தகவல்கள் பற்றிய ஒரு நிரல் என்று பல இருந்தன.
கண்காட்சி அன்று , மாணவர் , பெற்றோர், ஆசிரியர்களென அனைவரும் என் செயலி முன் அமர்ந்து சோதிடம் பார்த்தார்கள். மற்ற மாணவர்கள் கணிணி முன் அமர்ந்து ஈ ஓட்டினார்கள்.
பாஸ்கர் வேரு ஒரு திட்டதிலும் பங்கு பெற்றதால் அந்த வேலையை கவனிக்கச்சென்றுவிட்டான்.

நான் தனியாளக அனைவருக்கும் சோதிடம் பார்க்க வேண்டியதாயிற்று. எனக்கு பெருமிதமும், கடுப்பும் சேர்ந்து வந்தது. இரு நாட்களுக்குப்பிறகு ஒருவழியாக கண்காட்சி முடிந்தது. ஆனால் இன்று வரை மக்களின் சோதிடப்பித்தை பற்றி நினைத்து வருந்துகிறேன்.

ந்யூமெராலஜி- சில கேள்விகள்

2006-10-11T14:41:00.000+05:30

சென்ற ஞாயிறு அன்று விஜய் டி வி யில் "நீயா, நானா" நிகழ்ச்சியில் ந்யூமெராலஜி பற்றி ஒரு விவாதம், ந்யூமெராலஜியை அறிவியல் பூர்வமானது என்று ஒரு கோஷ்டியும் இதனை எதிர்த்து ஒரு கோஷ்டியும் வாய்ச்சண்டை போட்டுக்கொண்டிருந்தனர்.

ந்யூமெராலஜி (பொதுவாக ஜோதிடமே ) ஒரு டுபாக்கூர் மேட்டர் என்பது என் கருத்து.

என் நெடு நாளைய கேள்வியை ஒருவர் கேட்டார், அது , "ந்யூமெராலஜிப்படி பெயர் மாற்றம் ஏன் எப்போதும் ஆங்கிலத்தில் தான் செய்யா வேண்டும், தமிழ் ந்யூமெராலஜி கிடையாதா" என்பதே.

இதற்கு மழுப்பலாக ஏதேதோ கூறினர் ந்யூமெராலஜியினர்.

எனக்கு ந்யூமெராலஜி பற்றி இன்னொரு கேள்வி உண்டு,

ந்யூமெராலஜி சித்தர்களால் (!) அருளப்பட்டதென்றால் ,கலியுகாதி, ஸாலிவாஹன, விக்கிரம, கொல்லம், ஹிஜிரி, திருவள்ளுவர் , 60 வருட தமிழ் சுழற்சி, என்று பல நாட்காட்டிகள் இருந்தும், ஏன் ஆங்கில நாட்காட்டியையே பயன் படுத்த வேண்டும் ?

இத்தனைக்கும் சில நூற்றண்டுகளுக்கு முன்பு, ஆங்கில நாட்காட்டியிலிருந்து 15 நாட்களை ஒரு போப்பாண்டவர் அப்பீட் செய்துள்ளார் .

அந்த மிஸ்ஸிங் நாட்களின் கோள் நிலைகளை இவர்கள் கணக்கில் சேர்த்துக்கொண்டார்களா என்று தெரியவில்லை.

சோனி ரீடர்

2006-09-28T18:07:00.000+05:30

இசைக்கு அப்பிள் ஐபாட் போல , நூல் வாசிப்பில் புரட்சி ஏற்ப்படுத்த சோனி , ரீடர் எனும் புதிய சாதனத்தை அறிமுகப்படுத்தி இருக்கிறது , வரும் அக்டோபர் 31 முதல் சந்தையில் கிடைக்கும், இப்போது சோனி வலைமனையில் ஆர்டர் செய்யலாம். விலை முன்னூற்றி சொச்சம் அமெரிக்க டாலர்.

இது உண்மையிலேயே நூல் வாசிப்பில் புரட்சி ஏற்ப்படுத்த போகிறதா இல்லை மைக்ரோசாப்டின் டாப்லெட் பி.சி. யை போல் ஃபனால் ஆகுமா என்பதை பொறுத்திருந்து பார்க்கவேண்டும்.

சிதம்பரமும் ஊழல் ஒழிப்பும்

2006-09-26T18:11:00.002+05:30

உலக வங்கி தன்னுடைய கடன் வழங்கும் கொள்கையில் சிறிய மாற்றம் செய்து , இனி ஊழல் ஒழிப்பு மற்றும் நல்லாட்சி போன்றவைகளின் அடிப்படையில் வளர்ச்சித்திட்டங்களுக்கு உதவி என்று அறிவித்திருக்கிறது. இந்த புதிய கொள்கைக்கு இந்திய அரசு எதிர்ப்பு காட்டியுள்ளது. சேவை வரி புகழ் சிதம்பரம், ஊழல் ஒழிப்பு மற்றும் நல்லாட்சி போன்றவை அவசியம் தான் ஆனால் இதனால் வளர்ச்சி தடை படும் என்று சொல்லியிருக்கிறார்.
(.... Moving on to the Agenda on Strengthening Bank Group engagement on Governance and Anticorruption, we agree that good governance and anticorruption are important, but we ought not to allow them to obscure or negate the overall development agenda. .... We urge the Bank to see Governance as one of the means for attainment of development objectives, and not as an end in itself).

அதாவது "ஊழல் எங்கள் பிறப்புரிமை , இதில் உலக வங்கி தலையிட வேண்டாம் " என்று சொல்லாமல் சொல்லியிருக்கிறார்.

கொள்கைக்கு அடிமையானால் ...

2006-09-05T13:29:00.000+05:30

காலித் அஹ்மத் , இவர் பாகிஸ்தானில் ஒரு மூத்த ஜர்னலிஸ்ட். பாகிஸ்தானின் போக்கு பற்றிய அவரின் சமீபத்திய கட்டுரையிலிருந்து ஒரு துளி.

"அடிமைப்பட்ட மக்கள் சிறந்த படைப்பிலக்கியம் செய்வார்கள் என்று ஒரு கருத்து உண்டு . கொள்கைக்கு அடிமை ஆவதும் அடிமைத்தனம்தான். கொள்கைசார்ந்த ஆட்சியாலோ, தானாகவோ நடந்தால், கருத்து வறட்சி தான் எற்படும். தீவிர இசுலாமியக்கொள்கை நம் பெருமை வாய்ந்த உருது இலக்கியத்தை சிதைது விட்டது.தற்கால தீவிர கொள்கைவாத நாடுகளில் நல்ல இலக்கியம் வருவதில்லை. உலகமயமாக்கலும் ஒரு கொள்கையே , அதனை முழுமையாக எற்று நடைமுறைப்படுதும் நாடுகளில் தீவிர இலக்கியம் இல்லை."

பெரியார் சிலை "அவமரியாதை"

2006-08-30T14:25:00.000+05:30

பெரியார் சிலைக்கு சந்தனம் பூசி "அவமரியாதை" செய்த நபர்களை பிடித்து சட்டதின் முன் நிறுத்தி தண்டனை வாங்கித்தரப்படும் என்று முதல்வர் கூறியிருக்கிறார். சட்டரீதியாக எப்படி வழக்கு நடைபெறும் என்று தெரியவில்லை . மாலை போட்டு சந்தனம் பூசி சூடம் ஏற்றி ஊதுவத்தி கொளுத்தி வழிபடுவது எப்படி desceration ஆகும்? கோர்ட் தான் சொல்லவேண்டும்

கொஞ்சம் சீரியஸ் மேட்டர்

2006-08-23T19:45:00.000+05:30

பழங்காலத்தில் நிலதீர்வை பேரரசுகளயும் சாம்ராஜ்யங்களையும் நடத்த பொருள் தந்தது . இப்போது கிஸ்தி கட்டுவது அவ்வளவாக இல்லை , நிலத்தீர்வயும் அதிகம் இல்லை, இதற்கும் விவசாயிகள் தற்கொலைக்கும் சம்பந்தம் உண்டா ? என் மனதில் தொன்றிய எண்ணம், இந்த பதிவில்.

விவசாயிகள் தற்கொலை கடந்த சில ஆண்டுகளாக பரவலாக நடைபெற்று வருகிற ஒரு சமாச்சாரம் , இதற்கு மூல கரணம் ஆக சொல்லப்படுவது , விவசாயிகளின் பொருட்களுக்கு உரிய விலை கிடைகவில்லை என்பதே, சந்தையில் விலை அப்போதய நிலவரதின் அடிப்படையில் நிர்ணயம் செய்யப்படுகிறது , விலை நிர்ணயம் ஒளிவு மறைவு இல்லாமல் நேர்மயாக செய்யப்படுகிறதா என்பது வேறு விஷயம். சந்தை விலை பல சமயங்களில் அரசு சொல்லுல் குறைந்தபட்ச கொள்முதல் விலையை விட வெகு குறைவாகவே பெரும்பாலும் உள்ளது. அரசு தான் நிர்ணயித்த விலையை அமுல் செய்ய முடிவதில்லை அல்லது முயற்சிக்கவில்லை. அரசின் பாராமுகம் ஏன்?

இதற்கும் கிஸ்தி மேட்டருக்கும் என்ன சம்பந்தம் ?

ஒருவர் நமக்கு அனுசரணையாக இருக்க வேன்டுமென்றால் அவருக்கு 1) பிற்பாடு நமது தயவு தேவைப்பட வேண்டும் அல்லது 2) அவருக்கு நாம் ஏதாவது அளித்திருக்க வேண்டும்.

தற்போது சொற்ப தொகையே கிஸ்தியாக வசூலிக்கப்படுகிறது , அதுவும் பலமுறை வெள்ளம் வறட்சி என்று ஏதாவது சாக்கு சொல்லி வசூலிப்பதில்லை. கசப்பான உண்மை என்னவெனில் , எப்பேர்பட்ட ஜன நாயக அரசாக இருந்தாலும் , வரிகட்டாத நபர்களை இரண்டாம் தரக்குடிமக்களாகத்தான் நடத்தும். விவசாயிகள் கேட்கலாம், " நாங்கள் தானே களஞியத்தை ரொப்புகிறோம் !" என்று. உலகமயமாக்கலுக்குப் பிறகு அரசிற்கு தானியம் எங்கும் கிடைக்கும் . சமீபத்தில் மத்திய அரசு வெளிநாட்டில் இருந்து கோதுமை இறக்குமதி செய்தது நினைவிருக்கலாம்

ஆண்டுதோரும் பட்ஜட் போடும் சமயம் பெரும்தொழிலதிபர்களையும், பெரும் வணிகர்களையும் கூப்பிட்டு ஆலோசனை செய்யும் அரசு இதுவரை விவசாய ப்ரதிநிதிகளை கூப்பிட்டு ஆலோசனை செய்ததாக எனக்கு தெரியவில்லை.

இதற்கு காரணம் நம் விவசாயப்பெருமக்கள் அரசை சதாசர்வகாலமும் அண்டி நிற்பது தான். தலைவர்களும் கடன் தள்ளுபடி, மானியம். இலவச மின்சாரம், என்று கவர்ச்சியாக பேசிப்பேசி விவசாயியின் முதுகெலும்பை உடைக்கிறார்கள். மூவேந்தர் காலம் முதல் வெள்ளைக்காரன் காலம் வரை அரசுக்கு இறையளித்த விவசாயி இன்று திருவோடேந்தி நிற்கிறான்.

இந்த நிலை மாற முதலில் குறைந்தபட்சம் பெரிய விவசாயிகளாவது வருமானவரி அல்லத் சற்றூ பெரிய அளவில் கிஸ்தி கட்டவேண்டும், நாட்டில் 10 லட்சம் பெருவிவசாயிகளாவது நிச்சயம் இருப்பார்கள். ஆளுக்கு ரூ 10000 கட்டினாலும் 1000 கோடி வருகிறது. எந்த அரசும் இந்தப்பணத்டை வேண்டாம் என்று சொல்லாது.

பதிவு தொடரும்

2006-08-18T19:04:00.000+05:30

அல்லக்கைகளிடமிருந்து தமிழ் மண் காக்க ஒரு யோசனை.

நெடு நாளைக்கு பிறகு அரசியல்.
கருணாநிதியும் அல்லக்கைகளும் தரிசு நிலம் பற்றி வாய்க்கு வ ந்தபடி அடித்து விட்டுக்கொண்டு இருக்கிறார்கள். கிராமங்களில் விஏஓ மற்றும் அல்லக்கை அரசு ஊழியர்கள் சிறு நில உரிமையாளர்களிடம் கட்டிங் வாங்கி நிலங்களை தரிசு இல்லை என்று எழுதி தருகிறார்கள்.
ஒரு யோசனை, நிலத்தை 1000,2000 ரூபாய்க்கு வங்கியில் அடைமானம் வைத்தால் பரோட்டாவால் கையக படுத்த முடியாது. புரட்சி தலைவி மீண்டும் வந்தவுடன் மீட்டுக்கொள்ளலாம்.

2006-07-28T10:35:00.000+05:30

பழகு நான்மறை யின்பொரு ளாய்,
மதம் ஒழுகு வாரண முய்ய வளித்த,
எம் அழக னாரணி யாய்ச்சியர் சிந்தையுள்,
குழக னார்வரில் கூடிடு கூடலே

இன்று திருவாடிப்பூரம் ஆதலால் இந்த பாசுரத்தை வலைப்பதிவாக வைத்தேன்

2006-07-18T11:05:00.000+05:30

Numbskulls

The numbskulls that sit in our great government have done it again. After fooling around over the mumbai blasts they have discovered that justice can be rendered by blocking blogspot.

All security threats including my blog has been blocked by various service providers operating out of Secular Democratic Republic AKA Bananadesh of India.

They had blocked yahoo groups a few years ago.
Whew!!

People are smart and work arounds are already available.

2006-05-18T11:53:00.000+05:30

My prediction that the central govt. will be true to the congress culture and will appoint a commitee for quota issue has come true. The da vinci code will mostly be banned. NDTV et al will focus on the film. Quotas will be forgotten for now. Medicos will start attending classes.
Life is easy.

Marandi has left BJP it will affect both BJP and soren's party.

2006-05-16T12:13:00.000+05:30

Hmm.. So many people have written so much abt Tamil Nadu elections. I am not going to tell anything on it.The quota issue is now in forefront. As usual the congress is playing to both galleries.The solution for this?We know the congress culture. There is an all weather solution.Appoint a commitee. Forget the issue. :-)

2006-04-03T18:28:00.000+05:30

LFW is happening, biggest ever fashion event in our bananadesh. Farmers continue to kill themselves. Our Bourgeoisie is not interested in people dying, but over interested in what preity
zinta wears
Naxals meanwhile kidnap trains, mine villages, and kill villagers.
If they are genuine class warriors then they should be in LFW venue, giving pamplets to those heartless bourgeois inside. Or hold red flags outside.
What is CPIM's opinion on LFW by the way.
I am a bit disappointed that CPI ML the only indian party with accountability is not contesting from my constituency in TN, but has put up candidates somewhere else in North TN.
I have to settle for Amma this time as well.

What do i call myself ideologically? A vedic left winger?
Vaidika Vama!! or VamaDeva ;-)

2006-02-27T12:45:00.000+05:30

Was thinking over all night yesterday, I fogot the name of the vedic celestial horse,
similar to unicorn, I then googled and found, It is tarkshya
as in , Swasti nastaarkshyo arishtanemih (YV , Tait Aran. 1-1)
It was so obvious and i missed it.
also is uchaishravas same as arishtanemih-tarkshya?

i also saw a page which says tarkshya was a rishi and not a horse :-)

If he is a rishi why havirbaagam is given to him? since for a rishi to get havirbagam he has to be a part of one's pithru vargam if my smartic position is correct theologically.

Also above the new chennai city centre mall they have kepr awinged lions, Any vedic name for it?

2006-01-20T12:54:00.000+05:30

Interesting things happen in bengalooru, after Kumaranna moves to BJP camp with 40 odd MLA'sIf everything goes as per script and the assembly lasts full term we would have had a congress a
janat dal and a BJP government in the same assembly(!) , This would put the goan's and manipuri's
to shame. Now k'taka has far more aaya ram gaya ram politicians than goa + manipur +
haryana(aayaram janmabhoomi), Tamils can export ramadoss there so things become more interestng
there and less murkier in TN.

2006-01-02T18:58:00.000+05:30

i enter the blogosphere on the second day of 2006, it has started in a good note for me , long time unresolved gate level issues got solved, as if by magic.
I think 2006 could be very interesting , lets see.